سبب تدّخل الإعلامي محمود سعد في أزمة أبناء محمود عبد العزيز وبوسي شلبي
كشف الإعلامي محمود سعد عن سبب تدخّله في أزمة التصريحات المتبادلة بين أبناء الفنان الراحل محمود عبد العزيز والإعلامية بوسي شلبي، موضحًا أنه اختار الكتابة على صفحته الشخصية بدلًا من التواصل المباشر معهم.
قال سعد: "كتير سألوني ليه ما كلمتش حد في التليفون؟ لأني ممعيش أرقام محمد وكريم، أنا بتابع القصة زي حضراتكم، ومعنديش معلومات خالص، اللي عندي إن بوسي مع محمود".
تابع: "الكلام مش لطيف والتفاصيل دمها تقيل، كان ممكن أجيب أرقامهم، بس الحقيقة مكنتش عايز أضغط عليهم، ودول ناس كبار يقدروا ياخدوا قراراتهم بنفسهم، وأنا محبش أبقى وصي على حد لمجرد إني كنت صاحب أبوهم.. الأسلم إني كنت أكتب كلمتين كنت حاسسهم، عملوا بيها أو لا هما مش ملزمين لده".
نرشح لك: بلاغ من أبناء محمود عبد العزيز ضد بوسي شلبي
أضاف: "أنا كتبت كلمتين علشان أحس إن ضميري مرتاح، حسيت إن في كلام وتجريح ملوش لازمة، وأنا ومحمود (عبد العزيز).. فقلت أكتب الكلمتين دول يمكن يلمّوا الموضوع".
أشار إلى أن رد الفعل جاء سريعًا: "فوجئت تاني يوم بمحمد (ابن محمود عبد العزيز) بيدوّر علي وجاب رقمي واتصل، وقعدنا نتكلم، وكانت مكالمة جميلة، كل واحد شكر التاني على الاهتمام".
أردف: "وقالي أنا معملتش حاجة غير لما طلع بيان من الجهة التانية.. وأنا مش حابب أورطهم معايا، ولا عايز أدخل نفسي في القصة دي، لأن ده خلاف بين أطراف على شيء ما، عرفت جزءا منه والباقي معرفوش.. اللي أقوله لموا الموضوع".