هادي الباجوري: مفيش رقابة في بيوتنا!

رد المخرج هادي الباجوري على الانتقادات التي تعرض له عقب تصريحه المثير للجدل الذي أكد فيه أنه لا يمانع أن تجسد زوجته مشاهد جريئة، مؤكدًا أنه لن يتراجع عن رأيه، حتى ولو تعرض للمزيد من الهجوم.

قال "الباجوري" خلال حواره مع الإعلامية شيرين سيلمان في برنامج "SpotLight" المذاع عبر شاشة "صدى البلد"، إنه لا يمكن أن يطلب من ممثلة أن تقدم مشهد به "قُبلة" ويمانع تقديم زوجته مشاهد مشابه إذا كانت ممثلة.

نرشح لك: أحد أبطاله مفاجأة.. تفاصيل جديدة عن الجزء الثاني من فيلم "هيبتا"

أوضح: "مينفعش أطلب من ممثلة مشهد فيه (بوسة)، ومراتي عشان ممثلة مطلبهاش منها.. مش حاجة صح! أنا راجل صريح، وعارف أني هتهاجم بس مش فارق معايا".

كما أشار "الباجوري" إلى أنه يرى أن لا يوجد أي رقابة في الأسر المصرية، موضحًا: "في بيوتنا في مصر مبقاش في رقابة، والمحطات مفتوحة على كل حاجة، والولد والبنت عندهم 12 سنة وبيتفرجوا مع باباهم ومامتهم على كل حاجة وأفلام أجنبية".

تابع أن يجب أن يكون هنا تصنيف عمري، موضحًا: "سن 13 سنة مفيش شتيمة، ده بيحصل بره ومبيحصلش عندنا والمفروض كمان السينمات تلتزم بده، لكن متطلبش مني أغير فني مش عاجبك ما تتفرجش".

كما انتقد بعض الأفلام الكوميدية، قائلا: "محدش بيتكلم عن الأفلام الكوميدي خالص، رغم إن في هلس وقلة آدب وإيفيهات معينة، بس إحنا بوشين وعايزين اللي يضحك علينا".