كلمات أغنية "زي الدهب" لـ مصطفى شوقي
طرحت قناة "Master One Production" أغنية جديدة للفنان مصطفى شوقي تحمل اسم "زي الدهب" عبر موقع الفيديوهات الشهير على "يوتيوب"، وتم تصوير كليب الأغنية في جزيرة سهيل في أسوان.
أغنية "زي الدهب" من غناء وكلمات وألحان مصطفى شوقي، توزيع موسيقي وإخراج مايكل جمال.
نرشح لك: افتتاح معرض "L’Égypte مصر" يوثق مصر بعدسة المصور السويسري فريد بواسونا بمعهد جوته
وجاءت كلمات أغنية "زي الدهب" على النحو الآتي:
الحمرة في خدودك طبق الحسن محليها
والشفة البسمة السنة اللولي فيها
والماشية كغزالة خفة ودلع فيها
زي الدهب قيمة وزينة
عامله زي النيل الصافي الوافي الدافي
ياوش الخير أنا حبك ساكن
قلبي يرويني ويحييني
يا ريحة الورد البلدي
يا شابكة في قلبي
ويا مسك الليل ويا حتة سكر
حلي ايام جاية وسنيني
يا محلى الضفاير على الراس
زايدة الجمال هيبة
وعلى السيرة شاهدين
الناس الأصل والطيبة
يا سمارة حني حني
جودي بالبسمات جودي
ياللي ليكي تروح روحي
جوه قلبي سودي سودي
النظرة في عيونك زاغ فيها العين والنني
بسرح واتملى بحسنك مين ياخدك مني
الطبلة في وداني بتدق وبغني
لو بس صوتك يندهني
يا محلى الضفاير على الراس
زايدة الجمال هيبة
وعلى السيرة شاهدين
الناس الأصل والطيبة
يا سمارة حني حني
جودي بالبسمات جودي
ياللي ليكي تروح روحي
جوه قلبي سودي سودي