شاهد.. تامر حسني ينشر فيديو وصفه بأنه أهم لحظات مشواره الفني
كشف الفنان تامر حسني عن واحدة من أهم لحظات حياته ومشواره الفني، والتي اعتبرها من الانتصارات التي تمكن من تحقيقها في العشرينات خلال حفل أقامه في المغرب.
نشر "حسني" مقطع فيديو عبر حسابه الرسمي على موقع التواصل الاجتماعي وتبادل الصور "إنستجرام"، وعلق: "كل كام يوم هتكلم معاكم عن لحظة مهمة في مشواري جايز تنفع أو تشجع حد محتاج يسمع عنها، الڤيديو ده مش مجرد ڤيديو حفلة، لا ده إنتصار كبير في حياتي بدأت أحقق فيه في سن العشرينات ،كلام المذيع شهادة عظيمة في حقي وكلام كبير وكتير عليا، بشكره من قلبي".
تابع: "حضور 400 ألف شخص مُحب وأنا من بلد تانية (مصر)، تقدير غالي أوي ليا وللموسيقى المصرية، استقبال الشعب المغربي الغالي العظيم ليا من المطار حتى الفندق، وصولاً للحفل وللمطار مرة أخرى، شعور مستحيل يتوصف لأن العدد ده قادم لشخص واحد مش مثلاً ماتش كورة وفريق كبير".
أضاف: "مهما اتكلمت مش هوفي حق أهل المغرب الكرام اللي عيشوني لحظة انتصار كانت أروع لحظات مشواري الفني في وقت كنت بتحارب فيه من ناس كتير كانت مستكترة عليا النجاح، الحمد لله لكل مجتهد نصيب وأتمنى ذهابي المغرب مرة تانية عشان وحشتوني بزاف".