حكم الجمع في الصيام بين نية القضاء وصيام ست من شوال
كشفت دار الإفتاء المصرية عن حكم الجمع في الصيام بين نية القضاء وصيام ست من شوال.
أوضحت الدار عبر صفحتها الرسمية على موقع التواصل الاجتماعي فيس بوك، وكتبت: "يجوز للمسلم أن يجمع في الصوم بين نية قضاء ما عليه من رمضان ونية صيام الست من شوال".
نرشح لك: "اوعى تكون نصاب مشاعر".. رسالة رمضان عبد الرازق للشباب
أردفت: "فيقضي ما فاته من رمضان في شهر شوال، ويكتفي بكل يوم يقضيه فيه عن صيام يوم من الست من شوال، ويكون صومُه هذا مجزئًا له عن قضاء الصوم الواجب عليه وصوم التطوع معًا، والأكمل والأفضل أن يصوم كلًّا على حدة".
كانت دار الإفتاء المصرية، قد أوضحت طريقة حساب زكاة الفطر، بطريقة سهلة وميسرة للمواطنين.
كتبت "الإفتاء" عبر صفحتها الرسمية على موقع "إكس": "حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر،بالإضافة إلى أنه غالب طعام المصريين بيتعمل منه العيش اللي هو وجبة أساسية وكما بيدخل في أطعمة كثيرة جدًا".
تابعت: "طيب سعر أردب القمح كام السنة دي ٢٠٠٠ جنيه مصري من أحسن الأنواع وأردب القمح فيه ١٥٠ كيلو يبقى سعر الكيلو كام ١٣.٣٣ ثلاثة عشر جنيه وثلاثة وثلاثون قرشًا تقريبًا طيب والزكاة أد ايه في القمح ( ٢.٠٤ كيلو) يبقى نضرب ٢.٠٤كيلو * ١٣.٣٣ يطلع الناتج ٢٧.١٩ جنيه مصري ودار الإفتاء قالت إنه ٣٥ جنيه يعني زودت كمان عن الحد الأدنى بشويه و ٣٥ جنيه الحد الأدنى (يعني طلع أكتر من ٣٥ جنيه لو معاك ودخلك يسمح لك) بس اللى مش هيقدر فأقل حاجه يطلعها عن الفرد ٣٥ جنيه".
أضافت: "طيب أنا شايف إن ٣٥ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٥ جنيه ولا تلزم غيرك يطلع زيك لأن ممكن يكون غير قادر كمان تقدر تطلعها فلوس لا تشتر بها شيء لأن بعض الناس مفكره إن ناخد الفلوس نشتري بها أرز مثلا لأ طلعها فلوس وربنا يتقبل منك كمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس ودا على مذهب الشافعية ومن وافقهم".