توضيح علي جمعة لحديث "سجود المرأة لزوجها"

رد الدكتور علي جمعة على فتاة تسأله عن معنى حديث الرسول الذي جاء فيما معناه أنه لو أمر الله أن يسجد أحد لأحد كان أمر النساء أن تسجد لزوجها، فهل يعد ذلك تفرقة بين الرجل والمرأة.

أجاب علي جمعة خلال برنامج "نور الدين" المذاع على القناة الأولى المصرية: "أبدا، لازم تعرفي القصة علشان تعرفي ده اتقال في إيه، الحكاية إن الستات كانوا يشكوا لرسول الله، ويقولوا الراجل عنيف شوية، بيزعق كتير، بخيل".

نرشح لك: المفتي: استخدام "واي فاي" الجار دون إذنه محرم

تابع: "فالنبي يشد على الرجالة ويقولهم أنتوا مش هتدخلوا الجنة إلا لما ترضوا الستات بتاعتكم "خياركم خياركم لأهله وأنا خيركم لأهلي" ويضغط على الرجالة، فيقولوا حاضر يا رسول الله، فالستات تفتري، فالرجالة يشكوا للرسول، أنت قلبت علينا ستاتنا، الستات لا عايزة ترضع الواد ولا عايزة تعمل حاجة، تعبنا".

اختتم: "فالرسول يقولهم تعالوا يا معشر الستات، عارفين الرجالة دول ليهم فضل كبير عليكوا علشان بيشقوا وبيتعبوا، يعني بيقولهم كلام حلو، ويقولهم عارفين لو ربنا كان قال لحد يسجد لحد كان مين هيسجد؟ كان الست تسجد للراجل.. بيديهم حافز علشان يحترموا أزواجهم، هي معمولة علشان التوازن بس فيه قصص حواليها".