إسلام إبراهيم: أنا مختلف عن علي في "أعلى نسبة مشاهدة"
قال "إسلام" خلال لقائه مع أحمد عز الدين في
برنامج "خيمة one take" أنه تابع كل ردود الفعل والإشادة بشخصية "علي" في المسلسل رغم اختلافها عنه تماما. مضيفا: "ده أغرب مدح جالي على دور، ويا جماعة أنا مش زي علي والله أنا طيب ومؤدب ومبضربش بنات الناس ده كان مجرد تمثيل، والحمدلله على نجاح الدور والشطارة اني أشوف ايه اللي جي بعد كده".
نرشح لك :استمع.. أغنية "لذاذة" لـ رامي صبري من مسلسل "بابا جه"
أوضح أن نجاح المسلسل كان بسبب اهتمام المخرجة ياسمين كامل بكل التفاصيل مع كل أبطال العمل، مردفا: "ياسمين كامل بعتبرها بطلة العمل وبحب الشغل مع المخرجين الستات زي كاملة أبو ذكري ومريم أبو عوف وياسمين كامل لأنهم بيهتموا بكل تفصيلة في العمل، وياسمين صاحبة فكرة شكل ضوافر وسنان علي في المسلسل".
أشاد إسلام إبراهيم بأبطال العمل وخصوصا سلمى أبو ضيف وليلى زاهر، قائلا: "ياسمين تعبت معاهم أوي وهما عاملين زي الجوهرة اللي كانت محتاجة بس حد يلمعها ويبينها وسلمى ابوضيف كانت بتصعب عليا في التصوير لدرجة إني كنت هسمي المسلسل شيماء والأوغاد".
مسلسل "أعلى نسبة مشاهدة" من بطولة سلمي أبو ضيف، انتصار، محمد محمود، إسلام إبراهيم، أحمد فهيم، فرح يوسف، ليلي أحمد زاهر، يوسف عمر ومن تأليف سمر طاهر وإخراج ياسمين أحمد كامل.