تامر حسني يدافع عن تعاقده مع شركة شيبسي
كتب "حسني" عبر حسابه الرسمي على موقع الصور والفيديوهات "إنستجرام": "بقالي يومين بتابع اللي بيحصل واحتراماً للجميع أنا بوضح حاجة بخصوص إعلان شيبسي الأخير".
أشار: "أنا على قوة بالشركة من سنتين قبل أي أحداث وده مش أول إعلان ده ثالث إعلان في عقدي، معلش أحياناً الكلام عند بعض الناس بيبقى سهل وتحديداً لما بيكون بدون علم بالعقود وبحيثيات الموضوع كله".
أوضح: "أنا مضيت على عقد مكتوب فيه أن شيبسي شركة مصرية ولها سجل تجاري ضريبي مصري منفصل والبند قدامكم أهو لصدق كلامي.. والأهم لأي حد بيشكك في انتمائي للقضية الفلسطينية هقوله أنا من ٢٠ سنه وأنا في ضهر القضية ومش كلام وأغاني بس لا.. أنا رحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته ويروح بنفسه معبر رفح أثناء الضرب مجامله مثلا!".
أردفت: "أنا لما قررت أكون الوجه الإعلاني لشيبسي من سنتين لأنه منتج مصري كل المصريين بيحبوه والبطاطس من الفلاحة المصرية وبيتباع في مصر بس واتربينا عليه والأهم أن الشخص البسيط يقدر يشتريه في ظل ظروفنا الاقتصادية وأظن ده واضح في الإعلان.. ده كان شعوري الشخصي تجاه الحملة وأنا بمضيها من سنتين عشان كده كان واجب عليا التوضيح للجميعؤ وللّي مش واصل له الصورة بكل احترام.. وشكراً لكل اللي ردوا عني وهما مغمضين حقيقي أنتوا نعمة كبيرة من ربنا ألف شكر".