رضوى الشربيني تبكي أثناء تعليقها على الأحداث في غزة

علقت الإعلامية رضوى الشربيني، على ما يحدث في غزة، من العدوان الإسرائيلي المتواصل على القطاع منذ بدء عملية طوفان الأقصى في السابع من أكتوبر، موضحة أنه عندما يحدث مشكلة ما للشخص في حياته فأنه قد ينساها، لكن ما يحدث في غزة لا يمكن نسيانه.

أضافت "الشربيني" خلال حلقة أمس من برنامج "هي وبس" المذاع عبر شاشة "CBC سفرة": "من وقت المستشفى اللي اتضربت في فلسطين وإحنا مش عارفين نمشي زي ما بنمشي مش عارفين نتبسط، في حاجة في القلب والروح مش موجودة، مش عارفين نشتغل ولا ننام، مش عارفة أتكلم، في حزن وقهر ووجع وخوف".

نرشح لك: عبد العزيز مخيون: إسرائيل ستنتهي قبل 2027

أشارت: "أنا مش عارفة أقول إيه أصلا، الكلام الطبيعي اللي بيتقال رحم الله الشهداء من ساعة بداية الأحداث، من أطفالنا وشبابنا اللي إحنا شوفناهم، وأمهاتنا وستاتنا من بداية اللي كان بيحصل في فلسطين لحد دلوقتي، الدعاء مبيفرقناش كلنا، العالم كله عنده حزن وغضب وربنا يقويهم، ومش عارفة أقول إيه؟".

أضافت باكية: "هنشتغل وبنشتغل لكن مفيش روح أنا مش مبسوطة وأنتوا مش مبسوطين وعارفة أنه المفروض نبسط الناس، دي من الحلقات اللي مش مرتبة كلامي فيها ومش عارفة هطلع أقول إيه، فكرتني بنفس الضيق اللي طلعت بيه وقت وفاة أمي، أنا آسفة لينا كلنا وحسبي الله ونعم الوكيل.. سامحونا لو اللي إحنا هنعرضه ملوش علاقة بالأحداث أوي".