طلبت النصيحة.. فريدة سيف النصر تتعرض للسرقة من أسرة تساعدها بالمنزل
كتبت فريدة على حسابها عبر موقع فيسبوك: "أنا باتسرق بقالي شويه حلوين.. لما يكون عندك حد نافعك اوي لأن مش اي حد يحب الكلاب.. وانت كل شويه حاجات بتتاخد بجد مش هزار وحاجات باينه اوي يعني هدوم مش اي حاجه لازم ينقصوا يتاخدوا علي نصين مرتين واختفاء قسري .ترجع ترمي لك نص فاتتخيل انك انت اللي مادورتش وفجأه اختفاء كامل".
أضافت: "ده بقي غير مفروشات قسما بالله اطقم كامله بمخداتها ونظارات اكسسوار جزم ادوات مطبخ كامله والله العظيم مابقي في حاجه كامله خالص اول باول ..ومافيش حد تاني بيعمل الحاجات دي خالص علشان تشك في اتنين اول ماتغير مكان حاجه بحجة النظام اعرف انها هاتاخدها أو تلخبط الادراج وكله يتكعبل في كله. أما انا فانشغل في حاجات وحاجتي فعلا تختفي".
أردفت متسائلة: "أعمل ايه...اواجهها وانا مابحبش احرج حد واجرحه ولا امشيها واحتاس ودوول عائله كامله نافعاني سواق نظافه ام مني غسيل .ولا اروح عندهم علي غفله زي ماقالولي..وطبعا مش ممكن ابدا اعمل كده..بس بجد زهقت ومحتاره سرقه علني وطبعا بيتفتح عليا بالمفتاح وانا في سابع نومه...ومع الأسف با ادي الامان لكل الناس.. تعبت..والله تعبت.حسبي الله ونعم الوكيل..قولولي اعمل ايه؟"
ورد أغلب المتابعون على المنشور بألا تعطيهم الأمان وتحاول إنهاء عملهم لديها بطريقة ذكية بدون أن تشتبك معهم حتى لا تتعرض للأذى؛ ومنهم من نصحها بأن تضع كاميرات في الشقة لكي تستطيع مراقبتهم طوال الوقت.