طه دسوقي: أحمد الغندور كان المرشح الأول لدوري في "الصفارة"
قال "دسوقي" خلال لقائه مع الإعلامية إسعاد يونس في برنامج "صاحبة السعادة": "أحمد الغندور كان المرشح الأول لدوري في مسلسل "الصفارة" لكنه اعتذر عن الدور وعملته أنا لأني كنت الترشيح التاني بعده وأستاذ أحمد أمين كان حابب يديني الفرصة، عشان كده بقول إن ربنا بيديني الحاجة في وقتها ولما أكون أنا جاهز لها".
أضاف: "أنا كنت اشتغلت مع أستاذ أحمد أمين قبل كده في برنامج أمين وشركاه، عشان كده في الصفارة كان في المساحة والكيميا دي بيننا".
أردف: "أنا كنت مرعوب في البداية من فكرة تشخيص أكتر من شخصية في نفس العمل، لكن أستاذ أحمد أمين وأستاذ علاء اسماعيل طمنوني جدا وقالولي ايه اللي هيحصل يعني؟ مش هيحدفونا بالطوب".
مسلسل “الصفارة” من بطولة أحمد أمين وطه دسوقي وحاتم صلاح وآية سماحة، كتابة سارة هجرس وشريف عبد الفتاح وعبد الرحمن جاويش.
يتكون مسلسل “الصفارة” من 15 حلقة، ويدور حول شفيق الذي يعمل مرشدا سياحيا ويكره ما وصلت إليه حياته، ويسرق من أحد سكان سيوة قطعة أثرية فرعونية (صفارة الملك توت) والتي تعيد من يستخدمها 3 دقائق من ماضيه ليغير فيها ما يشاء، ليدخل في رحلة لتغيير ماضيه والوصول إلى كل أحلامه.