خالد الجندي: ربنا كرمنا برئيس بيصلح ما خربه الآخرون

قال الشيخ خالد الجندي، عضو المجلس الأعلى للشؤون الإسلامية، إن الله سبحانه وتعالى رزقنا بالرئيس عبد الفتاح السيسي كي يُصلح ما أفسده الآخرون على مدار 30 عاما، موضحا أنه يقول ذلك لصالح مصر، وليس من أجل منصب.

أضاف "الجندي" خلال حلقة اليوم من برنامج "لعلهم يفقهون" المذاع عبر شاشة "dmc": "ربنا كرمنا برئيس قاعد عمال يصلح ما خربه الآخرون وما ترك لمدة 30 سنة لازم يكون عندنا مخ وعقل ونحط الأمور في نصابها الصحيح، هتقول تطبيل نفاق، الكلمتين الشهيرين، يعوي من يعوي، إحنا بنتكلم لصالح بلدنا ومش هيهمنا ومش هنتعرض لإرهاب ولا هنقبل إرهاب لا في الكلام أو الفعل ولا التصرف، نسأل الله أن يكون خالص لوجه الله".

أشار: "أنتوا عارفين أنا لا مستني وزارة ولا إدارة، أنا كبيري ياخدوني في محاضرة بتكلم كلمتين وبمشي وبدون أجر، وإن كان هناك أجر بندفعه لحاجات تنفع الناس ابتغاء مرضات الله نسأل الله أنه يقبل، عشان محدش يزايد، اللي حاصل حوالينا يخلينا نرفع القبعة احتراما واقرارا بأن اللي عمله هذا الرجل في الوقت القياسي كان شيء ضروري محتاجينه للغاية، وما زلنا محتاجين للمزيد".

أوضح: "مشروع حياة كريمة تطورت فيه القرية، ده فيه قرى في دول أخرى ابيدت، لأن البنية الإصلاحية كانت محتاجة إعادة نظر، وبعدين الالتفاف حوالين قيادة سياسية واحدة خلى البلد تنجوا من مخاطر، البعض بيحاول يشتت انتباهك، قيادة وسياسة واحدة، العمل على إصلاح البلاد وبعد كده اتخانقوا على الكراسي".