رانيا يوسف: مش بثير الجدل لكن المجتمع المصري متحفظ
علقت الفنانة رانيا يوسف على منتقدي بعض إطلالتها، مؤكدة أنها لا تسعى لإثارة الجدل.
ردت "يوسف" من خلال لقائها مع "onetv Lebanon"، قائلة: "أنا مش جريئة.. أنا مختلفة، لكن أنا مش بحاول أثير الجدل ولا حاجة، أنا بالعكس شخصية طبيعية جداً عايشة حياتي طبيعي بلبس اللي بيعجبني وبيليق عليا".
تابعت: "يمكن ده مختلف عن المجتمع المصري شوية لأنه متحفظ شوية.. أنا تربيتي مختلفة فيه شوية جرأة لأني اتربيت في جو فيه مساحة من الحرية بتخليني اختار اللي أنا عايزاه وأخد قراراتي بنفسي وفي الآخر أنا اللي بشيل نتيجة قراري".
أشارت لعلاقتها بابنتيها، قائلة: "أنا معلماهم وربتهم على إن هما ياخدوا قراراتهم بنفسهم، لازم في مساحة من الحرية لأن هما لازم يعيشوا الحياة الطبيعية، عمري ما أتدخل في لبسهم، قرارات الدراسة هما اللي مقررينها، صحابهم،
مبتدخلش كتير إلا لو لقيت حاجة محتاجة إن أنا أتكلم فيها".
جدير بالذكر أن آخر أعمال الفنانة رانيا يوسف مسلسل "شارع 9" بطولتها مع محمود عبد المغني، نرمين الفقي، نضال الشافعي، سميرة صدقي، أحمد سلامة، هدى الإتربي، وغيرهم، من تأليف حسين مصطفى محرم وإخراج محمد عبد الخالق.
وعن أعمالها القادمة فهي تبدء العمل على فيلم جديد بعنوان "فيتو" بالتعاون مع النجمة إلهام شاهين للمرة الثانية، من إخراج ياسر سامي.