كلمات أغنية "أكيد راجعين" لـ حمزة نمرة
طرح الفنان حمزة نمرة أغنية جديدة تحمل اسم “أكيد راجعين” عبر قناته الرسمية على موقع الفيديوهات “يوتيوب”.
الأغنية من كلمات محمود فاروق، ألحان وتوزيع وميكساچ: أندريه مينا.
نرشح لك: خلال تصوير “الأستاذ”.. زحام جماهيري حول محمد إمام بالغردقة
وجاءت كلمات الأغنية كالتالي:
زعلان ليه من اللي ساب
ولا اللي فجأة اتغيروا
يا اللي قلبك إزاز والكلمة بتكسره
مهما يطول الغياب بتقول مسيرهم يظهروا
أصل العزاز عزاز حتى لو قصروا
مساكين والله عشمانين
على الأمل عايشين
ومع الأسف حاسين بناس
وهما مش حاسين
وتروح وتيجي سنين وأنتوا مستنيين
ومافيش جديد ولا في خبر جالك
ولسة القلب بيقولك أكيد راجعين
كل اللي حلمت بيه يا قلبي بقلوب تنصفك
ياما مديت إيديك وإيديهم تكسفك
إديت أجمل ما فيك عشمان وعشمك كلفك
مابقاش القرب واحشك قد ما بيخوفك
مساكين والله عشمانين
على الأمل عايشين
ومع الأسف حاسين بناس
وهما مش حاسين
وتروح وتيجي سنين وأنتوا مستنيين
ومافيش جديد ولا في خبر جالك
ولسة القلب بيقولك أكيد راجعين