يوسف الحسيني يهاجم رئيس حي المقطم: أنت خدام الناس - E3lam.Com
عرض الإعلامي، يوسف الحسيني، مقطع فيديو لرئيس حي المقطم “عبد السميع وهدان”، يدفع سيدة حاولت مقابلة محافظ القاهرة، قائلاً لها : مش هيسمعك.
وقال الحسيني، خلال حلقة اليوم الاثنين من برنامج “السادة المحترمون”، المذاع علي قناة ONTV : “ليه ميسمعهاش يعني؟، عيب طريقة التعامل دي، حاجة حلوة بصراحة وتصرف سليم، هياخدوا مقاطيع الجماعة ويشتغلوا عليه طول الليل، بتدوهم الفرصة دي ليه”.
وأضاف الحسيني : “أنا مش عارف هو رئيس حي المقطم إتصرف كدة ليه، كان في إيه في دماغه ساعتها، أنت خدام للناس وأنا كمان خدام للناس، ليه ميسمعلهاش يعني، ليه بنجيب للناس هذا الإحباط، ليه بنقولهم إن مفيش حد هيسمعلكم، رفقاً بالناس يا جماعة”.