أحمد عبد القادر ينتقد صفحات "الفانز"
انتقد أحمد عبد القادر، لاعب النادي الأهلي، الصفحات الجماهيرية، بعد هجومهم عليه، موضحا أنهم مرتشيين، ويحصلون على المال من أجل دعم أو انتقاد اللاعبين.
كتب “عبد القادر” عبر حسابه الرسمي على موقع التواصل الاجتماعي “فيس بوك“: “جمهور الأهلي أكبر منكم يا شوية هايفين سواء يا اللي بتقبضوا الفلوس علشان تعلوا ده وتوطوا ده أنا موسم كامل ساكت مفتحتش بوقي ومش هفتح بس فيه وقت لازم تتقوا ربنا فيه، جو الأدمن بتاعكوا والفلوس اللي بتتوزع عليكوا وقدام عينيط وحد عرض عليا أعمل حملات هجص ولقطة وهنعليك وهنخليك في السما دا مش عندي أنا ربنا بيكرمني علشان أنا عارف أنا بتعب إزاي وهفضل طول عمري شريف مش بتاع ألف وألفين جنيه أبيع بيهم كرامتي”.
نرشح لك: صاحب تطبيق “بوصلة” يحلل شخصية لميس الحديدي بنبرة صوتها
أضاف: “بلاش أنتوا علشان أنتوا لا تمسو للنادي الأهلي بأي شيء النادي الأهلي أكبر نادي في العالم مش في مصر، فا اللي أنتوا عايزينه ده مبعملوش والإجازة يا أنا يا صفحاتكوا اللي كلها نفاق ورشاوي وبقولها لآخر مرة أنا بتاع شغل مش بتاع رشاوي”.
أشار: “لقطة ركز جو الملعب وسيبك منهم رد في الملعب رد في الملعب إيه ما تنضجوا شويه لما حد بياخد فلوس ويغلط فيك سنة كاملة وأكتر ويشتم أهلك تقولي رد في الملعب ولما ترد يقولك متركزش معاهم مين قال إنهم فارقين معايا أصلا ولو أنتوا فعلا عندكوا ذرة ثقة وقلبكوا كان جايبكوا مكنش البوست اتمسح بعد ساعة على طول بس أنا اللي هنزله صباح الفل وجمعة مباركة”.