هل يمنع شرب الخمر ثواب الصلاة 40 يوما؟ مصطفى حسني يجيب

مصطفى حسني

رد الداعية مصطفى حسني على سؤال أحد المتابعين حول منع شرب الخمر لثواب الصلاة وقبولها لمدة 40 يوما، مشيرا إلى أن الشخص في هذه الحالة هو أشد المحتاجين لثواب الصلاة.

قال “حسني” خلال فيديو عبر حسابه على “إنستجرام”: “لأ العلماء بيقولوا تصلي على طول بعد ما تفوق من شرب الخمر، أكيد شرب الخمر من الكبائر لكن العلماء بيقولوا ان اللي يفوق من الخمر يصلي عادي”.

نرشح لك: مدير مركز الأزهر للفتوى: على الآباء التحدث مع أبنائهم بحرية

أضاف: ” بشرط يكون قادر أنه يعلم ويعي ما يقول وأدبا مع الله كمان يغتسل من اللي كان بيعمله.. يصلي عادي لأنه أكتر واحد محتاج الحسنات دي”.

كما أجاب الداعية مصطفى حسني على سؤال أحد المتابعين يقول فيه “اشتكي من ضيق الوقت وعدم وجود البركة.. فبماذا تنصحني؟”.

قال “حسني” خلال مقطع فيديو عبر حسابه الشخصي على موقع تبادل الصور والفيديوهات “إنستجرام“: “الناس اللي عندها خبرة بتقول مفيش حاجة اسمها ضيق الوقت عند أغلب الناس، إنما المشكلة بتبقى في عدم ترتيب الأولويات، فلما البني آدم تبقى أولوياته واضحة وبيعرف يقاوم القواطع بيعرف ينجز اللي هو عايزه”.

أضاف: “لازم تقسم يومك لأربع مستويات (مهم وعاجل) وده يتعمل دلوقت، (مهم وغير عاجل) ده يجي بعده، خليه في الآخر.. (غير مهم وعاجل) زي ماتش عايز تتفرج عليه هو بالنسبة لك وأنت عندك امتحانات أو شغل أو حاجات لازم تسلمها، بنحب الماتشات لكن كمتفرج ومشجع هو غير مهم بس عاجل ده ما يتعملش إلا لما تخلص المهم العاجل”.

إنستجرام رئيسية شرب الخمر مصطفى حسني