عمرو محمود ياسين يرد على اتهامات برنسة عبد الغني بضياع ملخص حياتها
علق السيناريست عمرو محمود ياسين، على تصريحات برنسة عبد الغني التي اتهمته فيها باضاعة ملخص قصة حياتها التي كانت قد أعطته له حتى يجعله سيناريو.
نشر “يس” صورة من الملخص عبر حسابه على موقع “فيسبوك” معلقا عليه: “النهاردة لاقيت الخبر ده، يا أستاذة برنسة تحياتي ليكي أولا، ثانياً حضرتك كنتي قابلتيني وإحنا بنصور مسلسل “ونحب تاني ليه” على ما أتذكر ولقيتك من تلقاء نفسك جايبالي ملخص وقولتي لي أقرأه عشان عايزة إني أعمله مسلسل وقتها كنا لسة بنصور ومقدرتش أقرأه”.
نرشح لك: برنسة عبد الغني: بعت كليتي بـ ١٠ آلاف جنية علشان أعالج أمي
أكمل: “وقريته بعد كده لما اتصلتي بيا فكرتيني به بعد فترة طويلة وقتها أنا قريته وللأسف ملقتش فكرة مناسبة له، وحضرتك مكلمتينيش تاني وأنا متصلتش بردو وده تقصير مني بعتذر عنه”.
أضاف: “لكن مش عارف جبتي منين حكاية إني أنا ضيعته ؟؟ مش عارف جبتي الفكرة دي منين؟ الملخص بتاعك في الحفظ والصون زي ما هو وتقدري تاخديه وقت ماتحبي وربنا يكرمك”.