بوسي: بقول يارب خدني وأنت راضي عني

كشفت المطربة بوسي، موقفها من اعتزال المهنة والتفرغ لمنزلها وأسرتها، مؤكدة أن هناك خطوات فنية كثيرة لم تنفذها حتى الآن.

تابعت بوسي، خلال حوارها في برنامج “حبر سري”، مع الإعلامية أسما إبراهيم، على قناة القاهرة والناس: “في أوقات بيجي على الواحد من كتر الحرب في الشغل والصعوبات في الحياة عموما والمهنة خصوصا بتبقي عايزة تسيبها مخضرة بس برجع أفكر وبقول قد إيه تعبت وطلع عيني عقبال ما وصلت للي فيه وشقيت واستحملت حاجات كتير”.

نرشح لك: بوسي: لم أمنع طليقي بالقوة من رؤية ابنه

أشارت إلى أن هناك خطوات فنية كثيرة لم تنفذها حتى الآن وتتمنى مفارقة الحياة في رضا الله فقط، مضيفة: ” وبقول لاء اجمدي استني أنتي لسه فيه حاجات كتير معملتهاش في الفن وإن شاء الله ربنا مش هيسيبك ووقت ما ربنا يريد إني اعمل ده هتيجي وأنا بطلبها من ربنا بطلب يارب خدني وأنت راضي عني”.

أردفت: “اتعودت ابقى قوية من صغري بس ممكن يكون بسبب أني ملقتش ليا ضهر اتحامى فيه من صغري ويجيب لي حقي فبقيت مقوية نفسي بنفسي، وأمي كانت كل حاجة بس في الأول والآخر هي ست لكن عمري ما ظلمت حد بل ظلمت نفسي في حاجات كتير”.