حفيدة هدى شعراوي تكشف سبب زواج جدتها في الـ 13 من عمرها

حفيدة هدى شعراوي تكشف سبب زواج جدتها في الـ 13
كشفت سنية شعراوي، حفيدة السيدة هدى شعراوي، عن قصة زواجها من علي شعراوي وهي تبلغ من العمر 13 عاما، موضحة أنها كانت طفلة وكان زواجهما بهدف اقتصادي.

أضاف “شعراوي” خلال لقائها في برنامج “معكم منى الشاذلي” مع الإعلامية منى الشاذلي المذاع عبر شاشة “cbc”: “هدى شعراوي اتجوزت وهي عندها 13، كان جالها عريس من بلاط الخديوي، وأهلها ماكانوش عايزين يخسروا مالهم ولا يخسروها هي كمان وتروح مع واحد متعرفوش”.

أشارت: “أمها إقبال هانم كلمت علي شعراوي وهو قبل الفكرة وقال هتجوزها أنا، يعني تقريبا كان جواز اقتصادي، هما اتجوزوا وهي كانت عيلة بتلعب، وكانوا عايشين مع بعض لكن مش قريبيين من بعض”.

أوضحت: “هو كان متجوزها على أساس أنه هيسيب مراته الأولى، وبعدين حملت مراته الأولى وهي فرحت وقالت له هروح عند أمي أذاكر واتعلم وأنت خليك مع الست دي لأنها بتحبك أوي ومشيت، وهو كان راضي أنها تمشي لأنه مكنش هيغصب مراته الصغيرة الطفلة دي”.

أردفت: “بعد ما مشيت اتعلمت فرنساوي واتعلمت القرآن، وكانت بتلعب بيانو، قعدت 7 سنين وهو كان متابعها، فحبها، كانت جميلة ومتعلمة ونضجت وبقت زي الوردة لما تتفتح، وكان عايز يرجع لها لكن هي ماكنتش عايزة”.