شريف مدكور يتوعد شخص بتقديم بلاغ لتحرشه بسيدة في تعليقات فيسبوك
نشر الإعلامي شريف مدكور، محادثة بينه وبين شخص على موقع التواصل الاجتماعي “فيس بوك” يظهر فيها الشخص وهو يحاول التحدث مع سيدة في التعليقات بالحساب الخاص لـ “مدكور”.
الأمر دفع الإعلامي ليرد على الشخص قائلا: “حضرتك تعرف أستاذة عبير”، فيقول له هذا الشخص “أنت مالك”، فيرد “مدكور” مرة أخرى قائلا “أنت داخل تكلم سيدة محترمة وهي مش عارفاك.. أنت كده متحرش”.
نرشح لك: تفاصيل واقعة النصب على الفنان صبري عبد المنعم
كتب “مدكور” عبر حسابه الرسمي على موقع التواصل الاجتماعي “فيس بوك”: “ده داخل يعاكس وطبعا عامل بروفيل وهمي بس وحياتك لنعمل فيك بلاغ”.
أشار: “وطبعا حاطط كلام في الدين علشان تورينا إنك مؤمن أنا هخليك تبطل يا جبان أنت لو راجل دكر تدخل تكتب من صفحتك الحقيقية”.
في سياق آخر، كان الإعلامي شريف مدكور، قد المحجبات اللاتي لا يلتزمن بالملابس المناسبة للحجاب، موضحا أنه وضع قواعد لملابس المحجبات الذين يظهرن معه في برنامجه، لتكون لا تصف ولا تشف.
قال “مدكور” خلال فيديو نشره عبر حسابه الرسمي على موقع التواصل الاجتماعي “فيس بوك“: “أنا عندي في البرنامج عامل درس كود، يعني أي واحدة محجبة هتطلع تصور عندي لازم تكون لابسة ما لا يصف ولا يشف، لأن أنا بعرض صورة لمصر والمصريين.. ابتديت ألاحظ أن في ضيوف محجبات لابسين طرحة ومغطيين رأسهم ولابسين (بادي) وهما ممتلئات شوية وكل جسمهم متفصل، وبنطلون ضيق جدا، وجزمة كعب عالية، وميك آب كامل”.
أضاف: “كل واحد حر في لبسه، بس ده بالنسبة لي مش هيطلع على الشاشة.. فحطيت قواعد ودرس كود معروف أن أي سيدة محجبة هتظهر عندي في البرنامج لازم تكون لابسة فضفاض وألوان مش صاخبة وبنطلون واسع.. اللي اختارت تكون محجبة هي شايفة أن ده فرض وله شكل معين، اللي هو بالنسبة لي ما لا يصف ولا يشف”.
أشار: “صدرها مكنش المفروض يبقى باين، آسف في اللفظ فخادها مش المفروض تبقى متفسرة، ده اللي أنا فاهمه وشايفه، والمحجبة شايفة أنها بتتنازل شوية عن جمالها وبتبقى غير ملفتة للنظر، فإزاي حضرتك بتتحجبي وشايفة أن ده فرض والمفروض تكوني مش ملفتة للنظر ولابسة مجسم! أنا ساعات بشوف محجبات لابسين حاجات مجسمة في غير محجبات مبيلبسوهاش”.