كلمات تتر مسلسل "جت سليمة" لـ دنيا سمير غانم
عُرضت مساء اليوم الجمعة، الحلقة الأولى من مسلسل “جت سليمة” للفنانة دنيا سمير غانم، والتي قامت بغناء تتر المسلسل أيضا.
نرشح لك: مواعيد عرض مسلسل “جت سليمة” لـ دنيا سمير غانم
وجاءت كلمات التتر كالتالي:
الحياة زي الكتاب
تتقسم 3 فصول
وامتحان بعده الحساب
بالتفاصيل وبالأصول
والأبطال هما الناس
وتدور بينا الأحداث
فيها المتوقع والسهل
وفيها اللي مش معقول
ويا جت سليمة يا روح قديمة العب بعيد
مش فيلم سيما دي دنيا
مين يقدر يعيد؟
بديهيات ثابتة واسألوا رمضان يا عيد
الفصل الأولاني.. ملناش أي اختيارات
اسمك وأهلك نصيب
وإحنا يادوب بيبيهات
ندخل بقى على الفصل التاني وإحنا وحظنا
حادي وبادي وكاني وماني ونبدأ فرزنا
حبة إيماننا يطب وحبة شيطاننا يوزنا
وبنجري بين صفحة وصفحة
سطرين شقا وسطرين فرحة
في صورنا مرسوم مشورانا
والشخصيات جاية ورايحة
ويا جت سليمة يا روح قديمة العب بعيد
عداد وبيعد وحساب عمال يزيد
والفرصة عندك كل يوم في نهار جديد
ويا جت سليمة يا روح قديمة العب بعيد
مش فيلم سيما دي دنيا
مين يقدر يعيد؟
بديهيات ثابتة واسألوا رمضان يا عيد
مسلسل “جت سليمة” بطولة دنيا سمير غانم، شيرين، محمد ثروت، سامي مغاوري، محمد سلام، سلطان، من تأليف كريم يوسف، وسامح جمال، ومن إخراج إسلام خيري، وإنتاج السبكي للإنتاج الفني، والمتحدة للخدمات الإعلامية.
يتكون مسلسل “جت سليمة” من 15 حلقة، وهو عبارة عن مسلسل كوميدي يتعلم الكبار طرق التعامل مع أطفالهم من خلال علاقة نور بوالديها، ونور هي فتاة شابة في أواخر العشرينات تعمل محررة في دار نشر لحبها الشديد للقراءة والكتب.
ويُعرض المسلسل على شاشة “cbc”،”cbc دراما”، ومنصة”WATCH IT”.