تفاصيل إحياء تامر حسني حفل تخرج طلاب جامعة عين شمس
أعلن الفنان تامر حسني، عن موعد حفله الجديد، المقام في “فاميلي بارك”، يوم الجمعة 3 مارس، وهو حفل تخرج طلاب جامعة عين شمس.
ونشر “حسني” عبر حسابه الرسمي على موقع الصور والفيديوهات “إنستجرام” البوستر الرسمي للحفل.
وجاءت أسعار التذاكر على موقع تيكيتس مارشيه كالتالي:
350 جنيها
550 جنيها
يذكر أن الحفل يقام في تمام الساعة السابعة مساء، ولا يسمح بدخول الأطفال أقل من 5 سنوات.
View this post on Instagram
في سياق آخر، أبدى الفنان تامر حسني، سعادته بمشاهدة مقطع فيديو لرجل لا يعرفه، ظهر وهو يقف أمام الكعبة ويدعو لكل من يشاهده.
نرشح لك: موعد حفل تامر عاشور ورامي جمال بـ نادي 6 أكتوبر
نشر “حسني” الفيديو عبر حسابه على “إنستجرام”، وعلق عليه كاتبا: “لفت نظري الصدق اللي خارج من قلب هذا الراجل الطيب مع إني معرفوش بس شوفته وكأنه بيدعي لأولاده وأحبابه عن ظهر قلب، كلامه صح أوي يا جماعة ما دام الدعاء وصلك وهو طالع من القلب كده، يبقى إن شاء الله ربنا قاصد يوصلهولك بس رددوه وقولوا آمين لنا ولأهل سوريا وجميع بلادنا وشعوبنا اللي محتاجة كل كلمة فيه وكل الدنيا”.
تابع: “وعايز أقول كلمة صغيرة من أخ لكم جايز تفرق مع شخص واحد، متستهونوش بالأدعية اللي بتجيلكوا رسايل على التليفون من ناس متعودة تبعت وناس متعودة للأسف متردش، والله يا جماعة ساعات بيبقى ربنا جايبلك الدعوة لحد عندك عشان يفكرك انك محتاجها وإنه بيحبك ومستنيك تقولها بس عشان يشيل عنك حاجة انت متعرفهاش أو يعلي درجتك ويكافئك بحاجة نفسك فيها وانت مش مدرك أهمية اللي اتبعت ليك وأهملته أصل مفيش حاجة صدفة في الدنيا كله متقدر لسبب، واللي مش بيردوا قال ايه عشان فكرة إن الدعوة مبعوتة للكل مش بشكل خاص فا مش هيردوا، طب ما ده رزق رايح للكل ايه يزعلك في كده، ده انت المفروض تفرح إنك من ضمن الكل اللي رايحلهم الرزق الجميل ده”.
أضاف: “حسيت بالدعاء بما انه جالي فقلت هبعته لكل الناس، انتوا كمان ابعتوه لكل الناس وادعوه لأهاليكم وأولادكم وأحبابكم وكل الناس أكيد فينا كتير محتاجينه.. (اللي بيطلع من القلب بيوصل للقلب) اللهم آمين”.