محمد الشرنوبي: مسلسل "بالطو" عمل يفرح وشرف للصناعة
علق الفنان محمد الشرنوبي على مسلسل “بالطو” بعد عرض حلقاته الأولى على منصة “Watch It”، موضحا أنه يراه عمل فني مشرف للصناعة كلها.
كتب “الشرنوبي” عبر حسابه على “فيسبوك“: “مسلسل بالطو عمل فني مشرف جدا للصناعة، كل حاجة مظبوطة لصناع معظمهم أول مرة يقدموا مسلسل، اتفرجوا على المسلسل ده، واستمتعوا بأول حلقتين اللي تحس إنهم فيلمين مش حلقتين من مسلسل، سكريبت قوي جدا ومُحكم جدا ودمه خفيف جدا، ومخرج محترف وعارف هو بيعمل ايه وبيستعرض عضلاته وفي نفس الوقت تحس إنه سايب إيده، وكل الممثلين معاه مختلفين وجامدين حتى اللي رايح يقول جملة”.
نرشح لك: مريم الجندي تكشف تفاصيل مشاركتها في مسلسلي “بالطو” و”حكايات جروب الماميز”
أضاف: “براڤو لكل الممثلين الشاطرين وأولهم اللي أول مرة يبقى شايل المساحة دي و باين أوي انه قد المسئولية، ومذاكر وحاسس وحضوره خطير ماشاء الله”.
أردف: “حقيقي حاجة تفرح ومسلسل يفرح، شكرا ليكوا كلكم على المجهود والذوق والشطارة دي، ومستني باقي الحلقات بفارغ الصبر”.
مسلسل “بالطو” مأخوذ عن رواية “بالطو وفانلة وتاب” وهو بطولةعصام عمر، محمود حافظ، محمد محمود، عارفة عبدالرسول، مريم الجندى، عارفة عبد الرسول محمد رضوان، وعدد من ضيوف الشرف أبرزهم بيومي فؤاد، خالد الصاوى، محمد لطفى، محمود البزاوى، وإخراج عمر المهندس.