"لما أهزأ جوزك متزعليش".. دعاء فاروق تحذر متابعيها الرجال
حذرت الإعلامية دعاء فاروق متابعيها الرجال من التجاوز في التعليقات، مهددة إياهم بـ”التهزيق” و”البلوك”، وأعربت عن استيائها الشديد من ردودهم غير اللائقة على منشوراتها.
وفي منشور لها عبر صفحتها الرسمية على “فيس بوك” قالت “فاروق”: “عشان نبقي علي نور يا جماعة ومفيش ست تدخل تلاقي جوزها بيتهزأ عندى فتزعل.. أي راجل هيدخل يعلق بطريقة غير لائقة ويمصمص لي شفايفه على أي صور لصديقاتي أو أخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر علي شكل أو حجاب أو لبس هيتهزأ قدام أمة لا إله إلا الله”.
نرشح لك: دعاء فاروق ترد على انتقادات ملابسها: هو أنا عجبة؟!
أضافت: “ملكش حكم غير علي اهل بيتك وممنوع تدخل تنطق بحرف لا حلو ولا وحش في الحالتين بعمل بلوك.. اللي بيتغزل أو بيقول كلام مايع علي شكل او جمال بيتهزأ ويتعمله بلوك زيه زى اللي بينظر ويدخل يحاسبني أني بتاعت البرامج الدينية ويقعد ينظر علي شكل أي حد ويخرجنا من منظومة الأخلاق والدين اللي محاوطاه ومحاوطة أهله فقط، الاتنين هيتهزأوا ويتعملهم بلوك”.
أردفت: “مفيش رجالة محترمة تدخل تبص وتتكلم على شكل اي ست عندى على صفحتي مهما حطيت من صور كلهم زملاء وسيدات محترمات لابسة ايه او شكلها ايه ده مش موضوعك عشان كرامتك مش هتعرف تلمها.. انا بتناقش مع الستات وبحاول اوصل وجهة نظري معاهم في بعض المواضيع إنما مش بتناقش مع رجالة.. الراجل اللي هيدخل يقول كلمة مش مظبوطة هشوطه انا مش بتملق حد ولا يفرق معايا مخلوق تحاسب نفسك الأول على حياتك ونواقصك قبل ما تدخلوا تحاسبوا الناس على حاجة مش من حقكم.. اللهم بلغت”.
