غرامة على طليقته.. تفاصيل جديدة في قضية رؤية خالد عليش لابنته
قضية رؤية خالد عليش لابنته
ذكر المذيع خالد عليش تفاصيل جديدة في قضية رؤيته لابنته ميما، وحول أزمة خلافاته مع طليقته بسبب ابنتهما منذ انفصالهما.
كتب عليش على حسابه عبر موقع فيسبوك: “من شهر مايو اللي فات وانا كسبان قضية ما فرضته على نفسها اني اشوف بنتي ١١ ساعة في الاسبوع و بالتالي اقدر اخدها و اخرجها زي ما كان الاتفاق اللي تم وقت الانفصال و اللي على اساسه بدفع المبالغ المالية المطلوبة مني”.
نرشح لك: كلمات أغنية الساعة 12 ودقيقة لـ علي الحجار
أضاف: “و بالمناسبة انا كنت بشوفها فعلا اول كم شهر بعد الانفصال زي الاتفاق و لكن فجأة بدأت حجج كتير لمنعي و منع اهلي و ( اضطريت ) اطلب حقي بالقانون مش غاوي بهدلة.. من وقت الحكم في شهر مايو اللي فات و بعت بطرق غير رسمية و رسمية اطلب اني انسق عشان آجي اخدها و افسحها و ارجعها و مفيش فايدة”.
أردف: “لجأت لطرق قانونية تثبت عدم رؤيتي و النهارده خدت حكم جديد بتغريمها مبلغ مالي لعدم تنفيذها الحكم .. حكم كل معناه إني أب بيدفع اللي عليه و اللي متفق عليه و محروم من بنته برضه! و لحد دلوقت مستغرب جدا ان في حد موافق ان ام تمنع اب عن رؤية طفله و تكون بتتشرط عليه و تمسكه من ايده اللي بتوجعه و يتسقفلها كمان”.
تابع خالد عليش: “و متعجب جدا ان في ام بترفع استئناف و تقاتل عشان تمنع حكم بيقول ان بنتها تستمتع ب باباها و يخرجها و يفسحها و مصممة انه ينفذ رؤية قانونية فقط و يقعد معاها ساعتين زي المسجون في مكان مقفول.. آخر حاجتين كنت اتمناهم في حياتي ان أنا و أم بنتي نقف في المحاكم قدام بعض و إن بنتي تعيش أحلى ايام طفولتها محرومة من فسح و حنان أبوها ولسه عندي استعداد للحلول الودية بدون ابتزاز او استغلال”.
