نصيحة مصطفى حسني عند تأخر تحقيق الأمنيات

تحدث الداعية مصطفى حسني عن ما يجب على الإنسان فعله عندما يتأخر تحقيق أمنيات أو دعوات تمنى تحقيقها.

قال حسني خلال مقطع فيديو نشره عبر حسابه على موقع إنستجرام: “لو عطاء ربنا تأخر عنك اوعى تيأس لأن فيه حاجة خفية في القدر ربنا بيدبرها لك.. لا أنا عايز دلوقتي أتجوز الجوازة دي أشتغل الشغلانة دي أو حالا ربنا يشفيني”.

نرشح لك: كيف نحافظ على الطيبة رغم الأذى؟ مصطفى حسني يجيب

أضاف: “هذا رجاؤك ولازم بعده يبقى فيه تفويض للذي يعلم وأنتم لا تعلمون.. مهما بني آدم كان عارف مصلحته فالأصل في الإنسان الجهل؛ أنا معرفش اللحظة الجاية إيه النافع والضار فيها”.

 

في سياق آخر، أجاب مصطفى حسني على سؤال ورد إليه من متابع، يسأل فيه: كيف نحافظ على طيبة القلب رغم الأذى اللي بنلاقيه من الناس؟
قال حسني في مقطع فيديو نشره على حسابه عبر موقع إنستجرام، إنه للحفاظ على طيبة القلب بالرغم من التعرض للأذى من شخص ما؛ يكون بألا نحمل طيبة قلوبنا أخطاء الناس.
أوضح: “متحملش طيبة قلبك أخطاء الناس.. اللي أذاك أذاك لأنه مؤذي واللي غدر بيك عمل كده لأنه غدار والخاين خانك لأنه هو اللي خاين وشريكك اللي سرقك لأنه هو اللي حرامي مش عشان انت طيب”.
أضاف: “انت لازم تفضل طيب، انت ممكن تحط جنب طيبتك شوية حرص ووعي وخبرة في معاملات الناس، لكن متتخلصش من طيبة قلبك عشان تعرف تعيش.. لو تخلصت من الطيبة تبقى قاسي والنبي قال إن أبعد القلوب عن الله القلب القاسي”.

إنستجرام الداعية مصطفى حسني رئيسية مصطفى حسني نصيحة مصطفى حسني عند تأخر تحقيق الأمنيات