عمر كمال: والدي أشتغل لحام ومات في شغله بسكتة قلبية
قال الفنان عمر كمال، إنه كان صغيرا في عندما توفى والده، لذلك لا توجد صور تجمعه به، موضحا أن والده كان يعمل لحام، وتوفي أثناء العمل بسكتة قلبية.
أضاف “كمال” خلال كواليس حلقة ليلة رأس السنة ببرنامج “حبر سري” المذاع عبر شاشة “القاهرة والناس” وتقدمه الإعلامية أسما إبراهيم: “مفيش صور ليا مع والدي عشان ملحقتوش، ملحقتش أعيش معاه مات وأنا صغير، وبعدين أنا طول عمري كنت شغال من صغري شقيان فأبويا ده مكنتش بشوفه غير على النوم، يعني أنا أرجع وأبويا نايم عشان يصحى 6 الصبح”.
نرشح لك:استمع.. أغنية “سيجارة” لـ بهاء سلطان
أشار: “والدي كان شغال لحام، بيلحم مواسير واللي فاكره عنه كان بيرجع وشه أحمر جدا من الشمس وعلى فكرة هو مات في الشغل وليا الشرف، مات بسكتة قلبية في عز شغله، مليش صورة معاه عشان ملحقتش أخد من حنيته كتير”.
كما كشف” كمال” عن انزعاجه من الفنان مصطفى كامل نقيب المهن الموسيقية، لأنه وقفه عن العمل، قائلا: “لما مصطفى كامل مسك النقابة ووقفني اتضايقت، لأن اللي بينا كبير أوي، أنا بحبه جدا وبحب ابنه جدا وعلاقتنا كويسة مع بعض لو كان عايز يلفت نظري لحاجة كان يرفع سماعة التليفون ويقول يا عمر تعالى زعلان منك في كذا، بدون وقف عمر كمال، عمري ما أقدر استقل بالنقابة ولا بمصطفى كامل”.