قصة "مائدة رحمن" فاروق الفيشاوي
تحدث الفنان عماد رشاد، عن تفاصيل مائدة رحمن مستمرة كان يقيمها الفنان فاروق الفيشاوي سنويا في رمضان.
قال “رشاد” خلال لقائه مع الإعلامية دعاء فاروق في برنامج “قلبك بيروح فين”: “فاروق الفيشاوي كان جدع في كل علاقاته مع كل الناس من أعلى الطبقات لأبسط الطبقات وشهم أوي وابن بلد، فاروق كان بيحب الحياة وبيحب يعيش أوي، كان بينام ساعتين ويستخسر يضيع وقته في النوم”.
نرشح لك: سبب الطلاق النهائي بين سمية الألفي وفاروق الفيشاوي
أضاف: “كان قبل رمضان بخمس شهور يجيب عجل وخروفين تلاتة، ويحطهم في مزرعته عشان يتربوا كويس ويبقى فيهم لحم”.
أردف: “وكان في رمضان ميفطرش غير مره عند ولاده في بيتهم، ومره عندي في بيتي، وباقي الأيام في المزرعة يدبح الحاجات دي ويأكل كل العمال والمزارعين اللي في المزارع اللي حواليه في مائدة رحمن مستمرة رمضان كله فطار وسحور”.
استطرد: “كان يسيب التصوير ويقولهم عندي ضيوف في البيت، ويروح يأكلهم ويفطر معاهم ويرجع التصوير تاني”.