نجوى إبراهيم: الحب دلوقتي بقى فيه انفتاح لفظي

قالت الإعلامية نجوى إبراهيم، إن السيدات والرجال قديمًا كانت طلباتهم الأساسية في الطرف الآخر، المال والوجه الجميل، معلقة: “الوش والجيب”، وكانت تلك هي متطلباتهم الأساسية.

أضافت “إبراهيم” خلال حلقة برنامج “بيت العز”، المذاع على “نجوم إف إم”، أن الفتاة حاليا متطلباتها اختلفت، حيث باتت تختبر شريك عمرها في كثير من الأمور.

نرشح لك: 12 تصريحا لـ نجوى إبراهيم.. أبرزها العمل مع محمود مرسي

أردفت: “الولد زمان كان يقول كلمة حلوة للبنت وتبقى مستحية كده، دلوقتي في انفتاح لفظي، بيتكلموا كلام بنحس إحنا بتوع زمان إنه شتيمة ومبنقدرش نقوله، وواخدين على بعض، كانت البنت عشان تتجوز واحد بياخدوا فترة ياخدوا على بعض ووشها يحمر.. لكن دلوقتي في بنات وشها بيحمر؟”.

تابعت: “البنت عايزة الشاطر حسن، اللي يديها عنيه، اللي ينتحر علشانها، ويقولها ده أنا أموت نفسي لو سبتيني، لو نلاحظ في الحوادث نلاقي حاجة مبالغ فيها، إنه ينتحر أو هي تنتحر عشانه أو يقتلوا بعض، بقينا بنشوف في السنين الأخيرة دي حوادث قتل فعلا بسبب الحب”.

أشارت إلى أن أهم صفة يجب أن يبحث عنها الطرفين هي الأخلاق والتربية، وأن يكون الشخص “ابن أصول”، مؤكدة أن الحب “عهدة”، مثل عهدة العمل، فالفتاة عهدة لدى زوجها، وكذلك الزوج عهدة في رقبة زوجته.