شيرين: مكنتش بعرف أضحك قبل "شاهد مشافش حاجة"

قالت الفنانة شيرين، إنها لم تسمع صوت ضحكتها قبل مشاهدة مسرحية “شاهد مشافش حاجة”، موضحة أنها تعلمت من والديها عدم الضحك بصوت عال، وكذلك حياتها كراقصة بتليه لم يكن بها ضحك.

أضافت “شيرين” خلال لقائها في برنامج “مساء dmc” مع الإعلامي رامي رضوان المذاع عبر شاشة “dmc”: “أنا مكنتش بعرف أضحك، ووالدي ووالدتي مفهمني أن لما حد يضحك ميضحكش بصوت عالي، أو لما يتكلم ميتكلمش بصوت عالي، وفي الباليه مفيش كلام خالص كله تعبيرات تعبيرات حركية، وفي التمثيل بستخدم صوتك”.

نرشح لك: محمد رجب: أتمنى أعمل فيلم للأطفال

أشارت: “فتخيل أنا مبستخدمش صوتي ومفيش حاجة اسمها أضحك ولما أبتسم ممكن فين وفين فأنا كنت فاهمة حتى بعد ما مثلت إني مبعرفش أضحك لأني عمري ما جربت أسمع صوت ضحكتي، لحد ما رحت أتفرج على (شاهد مشافش حاجة) لقيت نفسي بضحك بصوت”.

تابعت: “فأستاذ عادل قالي أنتي مبسوطة قولت له أنا أول مرة أسمع صوت ضحكتي وأعرف إني بضحك قالي يبقى النهاردة أنتي خفيتي، قولتله بس أنا مكنتش عيانة قالي لا أنتي عيانة عشان مبتعرفيش تضحكي.. ممكن أبقى مبسوطة بس مضحكش”.