الأخيرة

رانيا يحيى ترد على انتقادات تريند “الفرخة تفك”

ترند الفرخة تفك
جدل كبير أثير خلال الساعات الماضية بسبب فيديو للإنفلونسر رانيا يحيى تتحدث فيه عن نجاحاتها وشكل حياتها الحالي قائلة: “قاعدة بتخيل شكل حياتي النهاردة وأنا أقصى طموحي مع احترامي الكامل للناس اللي بتستنى الفرخة تفك، ولكن أنا مش متخيلة إن دي كانت هتبقى طموحاتي وعمري ما كنت هبقى سعيدة”.

التصريح أثار انتقادات واسعة ضد رانيا يحيى بسبب طريقة الاستعلاء وتحقير دور ربة المنزل بدون داعي أو وجود وجه مقارنة، فقد كان يمكنها الحديث عن طموحاتها ونجاحها دون التقليل من أشخاص أخرين، ومن أهمية دور ربة المنزل بالنسبة للنساء، الأمر الذي دفعها للرد والتوضيح عبر حساب الكاتب حسام مصطفى على فيس بوك.

وجاء نص توضيحها كالتالي:

“بمناسبة البوست ده عشان كتير جداً بينتقدني ومنهم بذوق ومنهم ما شمش ريحته وانتشر الكلام المكتوب عالصورة فقط ومحدش اهتم بباقي الكلام ولا اجتهد يفهمه صح وده بالمناسبة مش ذنبهم.. أنا في الحلقة وهي موجودة تقدروا ترجعولها قولت أنا بحمد ربنا إني كنت عنيدة كفاية وإن أهلي ماضغطوش عليا ووافقوا على أول عريس اتقدملي وأنا سني ١٦ سنة، لأن ده لو كان حصل أنا كان هيبقى كل طموحي انتظر الفرخة تطلع من الفريزر تفك مع كامل احترامي للي بينتظروها واللي منهم امي ولكن أنا كلامي عن نفسي وبس وعن تجربتي”.

تابعت: “قولت إني بحمد ربنا لأني لو كنت اتجوزت صغيرة كان زمان ولادي قربوا يبقوا طولي وبالعقلية بتاعت السن ده كان مليش طموح ولا فاهمة أي حاجة وإني كل ما أكبر بكتشف إني بتغير وطموحي بيتغير وأولوياتي بتتغير، كنت هكتشف شغفي وحلمي بعد ما أكون بقيت أم ومسئولة ومش صاحبة قرار، كنت هعيش تعيسة لما اكتشف ده والإنسان التعيس ما يربيش ناس سعيدة وده بنات كتير بتعاني منه”.

تضيف رانيا يحيى: “ده نصاً الكلام اللي اتقال مني ورأيي أنا مش بفرضه على حد.. وءخيرا أنا مش بلوجر مع كامل احترامي للقب وحامليه وأما عن الأفكار الزيرو فاعتقد إنها عند اللي كل محتواه سف وسخرية إنما أنا بفضل الله أفكاري الزيرو دي اللي قدمت بيها حملات ومبادرات لخدمة ومساعدة الناس في كل المجالات بداية من مساندة الغارمين لغاية مساعدة اللاجئين السوريين برة مصر وحملات دعم لذوي الاحتياجات الخاصة وحملات لمساعدة الغير قادرين عالجواز وغيره وغيره وغيره”.

تواصل: “ولولا إن ناس بتتابعني عملولي منشن أنا حقيقي مكنتش هرد لأني من يوم ما قررت ابقى عالسوشيال ميديا وأنا بحترم الصغير قبل الكبير ومش ذنبي إن حد اقتطع جزء من كلامي يثير بيه الجدل لأغراض معينة”.

ترند الفرخة تفك

نرشح لك: حسن أبو الروس يكشف حقيقة طرده من مهرجان القاهرة السينمائي

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock