محمد عدوية عن منافسة الفنانين: مش ببص لحد

محمد عدوية

شدوى ممدوح

قال الفنان محمد عدوية، إنه لا يوجد منافسة بينه وبين أبناء جيله، لافتاً إلى أنه لا ينافس أي شخص ولا يفكر في هذا الموضوع تمامًا.

أضاف “عدوية“ خلال لقائه مع الإعلامية لميس الحديدي، في برنامج “كلمة أخيرة“ المذاع عبر قناة “ON“: “مش ببص لحد هو عمل إيه أنا ديما ببص للي أنا فيه عشان مسرحش مع غيري، لو بصيت لغيري هو نجح إزاي وعمل إيه أو هو أنجح مني ولا تألق أكتر مني في حتة هفضل وراه ومش هبص على أنا إزاي أتقدم“.

نرشح لك: شاهد.. تامر حسني يقلد 4 شخصيات في إعلان جديد

تابع: “دي نصيحة ووجهت نظر إني أبص ليا أنا وعمري ما بصيت لحد اللهم لك الحمد والشكر.. أغاني كتير جدا عجبتني الفترة اللي فاتت وأنا بسمع أنواع معينة من المزيكا زي البودابار، والغربي، وجيلي بسمعه كله.. أنا مش بسمع حاجة معينة لأن الحاجة الحلوة هي اللي بتلفتني وفي كتير حلو أوي الأيام اللي فاتت وأغاني كتير نجحت“.

أردف: “أغاني أحمد سعد نجحت جدا وهو عامل شغل جامد طبعا، وبهاء سلطان، ولؤي، ورامي صبري، هقول مين ولا مين؟ كلهم حبايبي الناس الحلوة اللي بتغني حلو.. كل واحد ليه قالب بس أنا من النوع اللي شوية في حتة لوحدي وبفكر لوحدي دايما مش جوة الصندوق“.

كان الفنان محمد عدوية قد طرح أغنية جديدة بعنوان “الناس نوعين” على قناته الرسمية على موقع “يوتيوب”، ويشاركه فيها مطرب الراب سداوي.

الأغنية من إنتاج شركة “كلمة”، وفكرة ورؤية المنتج ياسر حسانين.