أثناء التصوير.. مريم الخشت تكشف تفاصيل إصابتها بكسر في القدم

إسراء حسن مريم الخشت

نشرت الفنانة مريم الخشت، مجموعة من الصور لها أثناء تصوير مسلسلها “مجنونة بيك”، موضحة أنها مرت بحالة سيئة خلال الفترة الماضية، بسبب تعرضها لكسر في قدمها أثناء تصوير المسلسل.

كتبت “الخشت” عبر موقع تبادل الصور والفيديوهات “انستجرام”: “عارفين إيه اللي بشوفه لما ببص على الصور دي؟ شكلي فرحان، مش خايفة، مش موجوعة، من 7 شهور الصور دي حرفياً دقيقتين بعدهم وقعت في الحفرة الصغيرة أوي اللي تحت رجلي دي، ورجلي اتكسرت، عارفة أن فيه ناس كتير أوي ممكن تحس وبعدين يعني ما ياما ناس كسرت رجليها وعدوا في أسوأ كمان”.

نرشح لك: مريم الخشت: أتمنى تجسيد قصة حياة داليدا أو الأميرة ديانا

تابعت: “أنا بالنسبة لي الموضوع كان كبير، عشان دي كانت أول مرة اتكسر في حياتي، وحصل وأنا بصور أول بطولة، أول مسلسل غنائي استعراضي، الحاجة اللي تبان بسيطة لناس كتير قلبتلي حرفياً كل حاجة”.

اكملت “الخشت” شاكرة كل من ساندها خلال أزمتها وشكرت كل من بارك لها على مسلسلها الجديد، قائلة: “حتى الناس اللي في حياتي شوفتهم في النور، فيه ناس كتير لا يمكن أنسى اللي عملوه معايا الفترة دي ولحد النهاردة وأنا لسه بتعالج، نظرتي لحاجات كتير اختلفت بسبب الفترة دي، إن شاء الله هيجي اليوم اللي أرجع فيه زي الأول ولو مجاش برضو الحمد لله عشان اتعلمت كتير أوي”.

اختتمت: “عشان كل ده، كل كلمة مبروك على المسلسل بالنسبة لي أكبر من أي مبروك تانية”.

 

View this post on Instagram

 

A post shared by Mariam El Khosht (@mariam.el.khosht)

يُذكر أن الفنانة مريم الخُشت قامت ببطولة مسلسل “مجنونة بيك” والذي يعتبر من آخر أعمالها وهو مسلسل غنائي استعراضي يُعرض عبر منصة “شاهد” ويأتي المسلسل من بطولتها ومشاركة أمير المصري، أدم الشرقاوي، إنجي كيوان، مراد مكرم، وانتصار وغيرهم من الفنانين، ومن إخراج چو بوعيد، وتأليف عمرو مدحت.