الأخيرة

بلاغ من دعاء فاروق ضد “بلطجي” يعتدي على زوجته وأولاده

أكدت الإعلامية دعاء فاروق، أنها ستتقدم ببلاغ ضد بلطجي اعتدى على زوجته وأبنائه، موضحة أن ذلك البلطجي هو زوج السيدة التي تعمل لديها بالمنزل.

كتبت “فاروق” عبر حسابها على موقع “فيس بوك“: “لحد امتي الستات هتفضل تتهان وتتمرمط ومحدش يعرف يجيب لها حقها.. رباب الست المحترمة اللي بتشتغل عندي بقالها 13 سنة ربت لي عيالي وصانت أكل عيشها معايا وحافظت على بيتي بمنتهي الأمانة أشهد لها بالنضافة والأمانة والأدب والإخلاص والأخلاق، شقيانة طول عمرها عشان تربي بنتها وابنها أحسن تربية ومتجوزة بلطجي شمام بيضرب حشيش بفلوس شقاها وشغلها عندي”.

نرشح لك: باسم سمرة: النجومية مرتبطة بـ أنت ابن مين

تابعت: “أنا هنزل أعمل فيه بلاغ حالا لأنه بيهددها بأنه يرمي في وشها ماية نار الضلالي اللي سرق عفشها كله ونقله علي بيت أمه، وسرق جهاز بنتها العروسة اللي غصب عني مضطرة أقول إن انا اللي بجهزها من عندي من المعارض سرق كل ده وطردهم من شقتهم اللي أنا أسفة إني مضطرة أقول اني بدفع لها إيجارها وتأمينها وبيهدد الست صاحبة البيت إنه عاوز التأمين وإلا هيفك موتور الماية وهياخده بلطجة كده”.

في نفس السياق، أضافت: “الست بتجيلي يوماتي جسمها أزرق من كتر الضرب اللي في جسمها وبيكتم بقها وبيعذبها حرفيا، بياخد فلوسها يشرب بيها حشيش ويضربها ياما قلت لها اطلقي وامشي اطلقي وسيبيله كل حاجة وامشي تقوللي أخاف ياخد مني عيالي، دلوقتي رباب في غيبوبة سكر وعيالها كلموني بيستنجدوا بيا ومنهارين علي أمهم الشقيانة ومش طايقين أبوهم اللي راح يسحب ورق الولد من المدرسة مش عاوزه يتعلم وبيهددهم إنه هيحرق قلبهم علي أمهم.. طيب يا راجل يا ضلالي ياللي سرقت عفش وجهاز بنتك اللي مراتك جايباه من شقاها انا هعمل بلاغ رسمي للجهات الرسمية فيك وهنزل حالا أجيب حق رباب بالقانون قبل ما تتقتل فطيس”.

اختتمت: “هلحق الجريمة قبل ما تحصل وبالمرة هروح أعمل محضر عدم تعرض لأنه أكتر من مرة يهددها انه هيضايقني.. طيب يا بلطجي عصرك وأوانك انا ببعت استغاثة للجهات الأمنية عشان أنقذ الست الغلبانة وعيالك الغلابة اللي بيكلموني مفطورين من العياط من بطشك وظلمك وقلة أدبك”.

دعاء فاروق

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock