شاشة

هند سعيد صالح: والدي كان ممكن يمثل مع الجن الأزرق!

قالت هند ابنة الفنان الراحل سعيد صالح، إن والدها لم تكن له السلطة في فيلم “سلام يا صاحبي” لتغيير الممثلين واختيارهم كما ادعى الفنان فكري صادق.

تابعت “صالح” خلال استضافتها مع شريف عامر في برنامج “يحدث في مصر“، مساء الخميس، عبر شاشة “MBC مصر”: “أنا سمعت إن أستاذ فكري قال إن بابا كان السبب في إنه مياخدش دور خوليو في فيلم (سلام يا صاحبي)، والله ده كده بابا جامد جدا إنه يمشي كلمته على الأستاذ نادر جلال ويقول هاتوا محمد متولي، دي حاجة لا تصدق ومش قادره أستوعبها”.

نرشح لك: هند سعيد صالح: الهجوم على والدي أضحكني

 

أضافت: “اللي يعرف سعيد صالح يعرف إنه يمثل مع الجن الأزرق ولا يهمه زعلان منه ولا فرحان بيه، ومينفعش يمشي حد ويجيب حد، مش مستوعبة فكرة إنه يمشي حد عشان يجيب حد”.

كما تحدثت عن مدى اشتياقها لوالدها وذكرياتها معه، معلقة: “نفسي أبويا يرجع ولو ربع ساعة ويوريني الويل براحته، بابا مثلا كان مانعني أحط روچ لحد ثانوية عامة.. في مرة حطيت روچ وأنا بره وشافني قومت خدته بالحضن ومسحت الروچ في القميص، هو كان حياته عبارة عن هند فمكانش فيه ويل خالص”.

 

كان الفنان فكري صادق، قد تحدث عن مسيرته المهنية وكواليس أعماله الفنية، مشيرا إلى أن دوره في فيلم “سلام يا صاحبي” كان السبب في شهرته.

قال “صادق” خلال استضافته مساء الأحد في برنامج “كلمة أخيرة” الذي تقدمه الإعلامية لميس الحديدي عبر شاشة “on”، إن نجاح فيلم “سلام يا صاحبي” كان بسبب وجود عادل إمام، لأنه فنان لن يتكرر، لافتا: “فيلم سلام ياصاحبي كان بالنسبة لي عادل إمام، لكن سعيد صالح ممثل عادي وفيه كتير زيه”.

وأوضح الفنان فكري صادق إن السبب في خلافه مع الفنان الراحل سعيد صالح، هو موقف في فيلم “سلام يا صاحبي” وخلاف كبير سبقه بينهما.

تابع خلال لقائه مع الإعلامية آيات أباظة في برنامج “مساء الفن” عبر قناة “نايل لايف”: “أنا جالي دور في فيلم (سلام يا صاحبي) وجالي الاسكريبت وفجأة التصوير اتأجل، وبالصدفة بعدها قابلت نادر جلال صدفة ولقيته بيقولي حمدالله على السلامة وإنهم قالوله إني اشتغلت مدير ستوديو في عمان، قلتله لأ ودي مش شغلتي، وبعدها قالي أروحله في ستوديو مصر وجاب مدير الإنتاج مسح بكرامته الأرض”.

أضاف: “أنا عرفت بعدها إن سعيد صالح هو اللي قالهم مشوا فكري وهاتوا محمد متولي، ويمكن عشان كده أنا حاسس بشرخ جوايا، إحنا كان بيننا مشكلة كبيرة قبلها بس مش عاوز أتكلم فيها خلاص الله يرحمه”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock