تامر حسني يشيد بحفله في الإسكندرية: مكانش عادي
أعرب الفنان تامر حسني، عن سعادته لإحياء حفلا بالإسكندرية، مساء يوم أمس، السبت، لافتا إلى أنه لم يكن مجرد حدث عادي بالنسبة إليه.
نشر “حسني“ فيديو به عدة لقطات من الحفل من خلال خاصية الريلز على موقع تبادل الصور والفيديوهات “إنستجرام“، وكتب: “في إسكندرية امبارح مكانتش حفلة كان حدث مش عادي بجد عيني ماكنتش عارفة تجيب آخر الجمهور حضوركم الكريم ده هفضل فخور بيه طول عمري“.
نرشح لك: أسعار تذاكر حفل محمد منير ومسار إجباري بـ زد بارك
أضاف أنه سعد بتقديمه للعديد من المواهب المصرية خلال الحفل، مشيراً: “اتشرفت بتقديمي لـ 13 موهبة مصرية من مختلف محافظات مصر وفعلاً كسروا الدنيا بأصواتهم اللي فوق الرائعة وعازف الساكس الصاعد المتميز اللي قدمته وموهبته كانت مفاجأة كبيرة للجمهور“.
كما توجه بالشكر إلى المنظمين الحفل، لافتا: “فخور بتنظيم أستاذ أدهم بكري الشاب الجميل الإسكندراني اللي كان بيحبني من وهو 15 سنة، والنهاردة عنده 30 سنة قولتله لو بتحبني أوي لازم تنجح ووعدني إنه هينجح ويكون صاحب الحفل الأضخم في تاریخ حفلات مصر بشكر رجال الأمن كل الشكر مجهود عظيم في دخول وتأمين عدد خرافي زي ده، لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفلة هيكون أوضح إن شاء الله“.
أضاف: “شكراً طلاب الإسكندرية حبايب قلبي شكراً لكل شعب إسكندرية العظيم الراقي المحترم شكراً لكل الوحوش اللي تعبوا في المسرح الكبير ده وإخراج الحفلة بالشكل العظيم ده اللي يليق بإسكندرية وشعبها“.
View this post on Instagram
كان الفنان تامر حسني، قد حذر من حضور مقابلات في أي مكتب يحمل اسمه بشأن إعلانه البحث عن مواهب جديدة، موضحا أن المخرجة سارة وفيق ستتواصل مع المواهب التي تم اختيارها لفيلمه الجديد، حيث كتب عبر حسابه الرسمي على التواصل الاجتماعي “فيس بوك”: “مساء الهنا، بالنسبة للمواهب اللي طلبتها محدش يروح يعمل أي مقابلات في أي مكتب باسمي، أنا طلبت فيديوهات فقط والفيديوهات بتجيلي كل يوم، محدش يروح أي مشوار لأي مكتب تحت اسمي”.
أضاف: “لأن اللي هيتم اختيارهم للمقابله هتكلمهم مخرجة الفيلم أستاذة سارة وفيق بشكل مباشر وأي مكتب عايز يرشح حد بيبعتلي فيديو بيعرض موهبته، يعني محدش يصدق أي حد يقوله تعالى عشان هتقابل تامر أو المخرجة تاني.. الأستاذة سارة هتكلم اللي اختارتهم بنفسها عشان يحضروا المقابلة الأولى”.