استمع.. أغنية "دلوقتي عجبناكو" لـ بهاء سلطان
هدير عبد الوهاب بهاء سلطان
طرحت شركة روتانا أغنية “دلوقتي عجبناكو” للفنان بهاء سلطان، عبر قناتها الرسمية على موقع “يوتيوب”.
الأغنية من كلمات منة القيعي، ألحان عزيز الشافعي، توزيع أحمد عادل، مكس ماهر صلاح، ماستر جلال حمداوي، منتج فني سعيد إمام.
نرشح لك: إيهاب عبد الواحد: استعد لأغنية جديدة مع أحمد سعد وبهاء سلطان
وجاءت كلمات الأغنية كالتالي:
دلوقتي عجبناكوا؟ ما كنا حلوين ومعاكوا
فجأة الشوق آهو جابكوا.. طب إيه كان مشاكوا؟
أيوة إحنا إحلوينا
لأ وكمان بقينا صعب يخش علينا كلمة ودمعتين
کنا زمان حاجة تانية
غلب وطيبة الدنيا
کنا بنيجي ف ثانية كنتوا ساعتها فين
دلوقتي بقينا فلة
ده إنتوا كسرتوا ورانا قلة
ومشينا وسايبينها على الله
كدة فجأة وجعناكوا
عارفين أيوة قسينا
نشفنا ورانا رمينا دنيا بنت لذينة
يوم سلف يوم دين
والله مش ندية ولا عند ولا أذية
أصل المواضيع ديا خلصت من سنتين
دلوقتي إتقدرنا
ده إحنا ياما إتكدرنا
يلا قدركم وقدرنا
تيجوا بعد ما ننساكوا
من ناحية آخرى، كان قد انتهى الفنان بهاء سلطان، من تسجيل أغنية فيلم ”المطاريد” بحسب تصريح من المنتج المنفذ للفيلم محمد نصار، الذي أكد أن أعمال المونتاج والمكساج للفيلم تجري على قدم وساق استعداداً لعرضه قريباً.
وكان قد أحيا حفلا في الإسكندرية وسط حضور جماهيري كبير، وأحيا حفلاً غنائيًا ضخمًا، مؤخرًا، ضمن حفلات موسم جدة، وقدم باقة من أروع أغانيه.