سبب ابتعاد حمادة هلال عن الأغاني الحزينة
قال الفنان حمادة هلال، إنهم يحضرون حاليًا للجزء الثالث من مسلسل “المداح”، ويعكف المؤلف على إتمام كتابة الحلقات.
وأضاف “هلال” في مداخلة هاتفية مساء الخميس، مع برنامج “مساء الإمارات” على قناة “الظفرة”، إن هناك أبطال جدد سوف ينضمون للعمل، حيث يتناول الجزء الثالث أسطورة مختلفة عن الجزئين السابقين، مؤكدًا على أنه يضم مفاجآت كثيرة في اختيار الأبطال.
نرشح لك: دينا الشربيني: عمركم ما هتشوفوني “فريق عمل” تاني
وعن نجوم الجزء الثاني قال إن أكثرهم مستمرون معه في العمل، معلقًا: “الناس الأساسية معانا، يا رب ما يغير علينا حد ولا يغير حد، بس في ناس أبطال جداد هيدخلوا علينا، لأن الجزء اللي فات أسطورة الوادي، وده أسطورة جديدة للمداح”.
فيما كشف أن سبب ابتعاده عن الغناء الحزين أنه مراعاة لمشاعر الناس، قائلًا: “عشان الناس على آخرها، كفاية إن بنعملهم رعب، هنبكيهم تاني؟ مع إني من عشاق الأغاني الدرامية الحزينة اللي فيها الشجن، وبتليق على صوتي أكتر، بس بحاول أدخل البهجة على الناس أكثر من الكآبة”.
في سياق آخر، علق على ترند صورة الفنانة ميرفت أمين في عزاء المخرج علي عبدالخالق قائلًا: “الموضوع بيبقى دمه تقيل جدًا، وفي نفس الوقت بتبقى في حيرة صعبة، لا أنت عارف تقول لحد ماتصورش ولا أنا داخل أعزي، هو المفروض الناس تبقى عارفة إن ده وقت مهم جدًا وجايين نواسي شخص حبيب، فدي مشكلة على فكرة مش عارف حلها، أنا عن نفسي مبعرفش أقول لحد امشي متصورش”.
