هاني شنودة: أتعاون قريبا مع مطرب الراب ويجز

كشف الموسيقار هاني شنودة، عن تعاون قريب يجمعه بمغني الراب ويجز، قائلًا إنه عرض عليه أن يلحن له، وسيكون هناك عمل مشترك.

وعن رأيه في مغني الراب، قال “شنودة” خلال مداخلة هاتفية مع الإعلامي محمد الباز في برنامج “آخر النهار” المذاع عبر فضائية “النهار”: “كنت في لجنة لاختبار الرابرز، كل مطرب راب سألته يعني إيه راب معرفش، يرضيك يشتغل في حاجة معرفش معناها؟”.

نرشح لك: 27 أكتوبر.. ويجز يحيي حفلا غنائيا في لندن

أردف: “الراب إيقاعات إفريقية تصاحب شعر، لكننا أمام ناس سوأت سمعة الشعر”.

تابع: “بأسمع ويجز ومعجب به، بيعمل حاجات مخطرتش على بالي، عرضت عليه ألحن وهنعمل حاجة مشتركة، وأتمنى لما أعمل حاحة الناس تغير خواص الراب وأن ميكونش فيه موضوع الجنس، أكره إن شعب متدين حد يكلمنا بالأسلوب ده الحقيقة”.

استطرد: “اتكلم على كل قيمة عندنا مش عند غيرنا، أعجبت جدًا بأحمد شيبة لما غنى أه لو لعبت يا زهر، وقال اللي موقفش معايا هأقف معاه، واحنا الحكومة بتتقدم والمجتمع مبيتقدمش”.