"متسمحش لحد يقولك تلبس إيه".. ويجز ينفي اشتراط اللون الأبيض في حفل الأردن

 

نفى مؤدي الراب ويجز رغبته في اعتماد اللون الأبيض لمن يريد حضور حفله بالأردن، في 2 سبتمبر المقبل، موجها رسالة لجمهوره بأن يرتدوا ما يحبونه.

قال “ويجز” عبر خاصية القصص المصورة بحسابه بموقع تبادل الصور والفيديوهات “إنستجرام”: “بخصوص حفل الأردن، في حد قرر يطلع يقول إني عايز الناس كلها تلبس أبيض، لأ عادي يا جماعة، ممكن الناس كلها تلبس أحمر أو أزرق أو أخضر، أي لون إنت عايزه، طالما مش هيوجع عينينا، وطالما مش فسفوري، لإن مفيش حد ينفع يلبس فسفوري”.

نرشح لك: طبيب شيرين عبد الوهاب يفسر سبب حلاقتها لشعرها

تابع: “دا بغض النظر عن الناس التانية اللي مش مصدقين أننا رايحين عمان، بس لأ إن شاء الله إحنا رايحين عمان، ويا ريت كل واحد يلبس حاجة تعبر عن شخصيته. ما تسمحش لحد يقول لك تلبس إيه وماتلبسش إيه، مفيش حد له الحق يقول لك تلبس إيه، البس واقلع اللي أنت عايزه”.

يستعد الفنان ويجز لإحياء حفلا غنائيا جديدا بالأردن، والذي من المقرر إقامته يوم 2 سبتمبر المقبل، وذلك عقب نجاح حفله الأخير بمهرجان أرينا العلمين بالساحل الشمالي.

نشر ويجز بوستر الحفل عبر “إنستجرام”، وعلق: “استنونى لأول مرة في الأردن في تاريخ 2/9 في نادي الجولف بالتعاون مع الإعداد ومن إنتاج الهوس”.