7 تصريحات لـ محمد التاجي.. أبرزها موقفه من رضوى الشربيني ومحمد رمضان

حل الفنان الكبير محمد التاجي ضيفا على برنامج “الحكاية إيه” المذاع على قناة الشمس، ليتحدث عن مسيرته المهنية، وعلاقته بالعديد من النجوم الحاليين والراحلين، كما تحدث عن موقفه من المهرجانات الفنية وفكرة “الشللية” في الوسط الفني، والعديد من التصريحات التي يستعرض “إعلام دوت كوم“ أبرزها فيما يلي.

1- وحيد حامد طلبني في فيلم “عمارة يعقوبيان” لكني رفضت.. “قلت له أنا عندي بنات مقدرش أخليهم يشوفوني في المشهد ده.. اللي مرضاش أخلي ولادي يشوفوه مقبلش أخلي ولاد الناس يشوفوه”.

نرشح لك: لأول مرة.. هدى المفتي تحكي عن أزمة مرضها

2- لا أمانع تقديم دور والد محمد رمضان في عمل فني.. “على حسب الدور.. معنديش اعتراضات إن اشتغل مع حد ما دام واخد حقي ماديا وفنيا ومعنويا وأدبيا يبقى خلاص على عيني وراسي.. وأصلا كنت هعمل معاه مسلسل “موسى” في دور العمدة بس محصلش نصيب”.

3- أرفض التعليق على صورة رضوى الشربيني.. “لأن معرفهاش.. اللي تمشي ورا نصايحها هي حرة.. ومبتفرجش على برنامجها”.

4- نور الشريف من أعظم الممثلين المصريين الذين عملت معهم في مسيرتي المهنية.. “يوم ما توفى حد جه أخدت مني كلمتين وإحنا داخلين المسجد نصلي عليه فقلت له أنا يوم ما أمي توفت اتيتمت إنسانيا ولما نور توفى أنا اتيتمت فنيا”.

5- نور الشريف كان يحب كل الناس، ويساعد الجميع بلا استثناء.. “كان بيمسح لي عرقي قدام الكاميرا.. بيحب كل الناس اللي قدامه.. لذلك الوحيد اللي أنا طلبت منه اشتغل معاه، قلت له أنت وحشتني أنا عاوز استغل معاك.. مع إن أنا عمري ما اطلب شغل من حد”.

6- لا تتم دعوتي للمهرجانات الفنية سواء مرهجان القاهرة أو الجونة.. “أنا بحب المهرجانات الفنية بالشكل المحترم، يعني مثلا مهرجان القاهرة السينمائي مبقتش ادعى ليه، كنت زمان بيدعوني أيام سعد الدين وهبة، لكن دلوقت أنا لا ادعى خالص الحمد لله لا في الجونة ولا القاهرة.. الموضوع بقى داخل فيه الشللية”.

7- سعدت للغاية بالتمثيل مع عادل إمام في مسلسل “فلانتينو”.. “أخيرا مثلت معاه.. طلبني في حاجات كتير وبيصادف إن كل مرة في حاجة بتعرقل الموضوع.. سواء أكون ماضي عمل تاني أو مشغول بتوصل وغيره.. وزعل بسبب ده”.