كلمات أغنية "هيّ الناس" لـ تامر عاشور
سالي فراج
طرح الفنان تامر عاشور، أغنية جديدة عبر قناته الرسمية على موقع “يوتيوب” بعنوان “هيّ الناس”.
أغنية “هيّ الناس” من كلمات أحمد المالكي، وألحان محمد خلف، وميكس ماستر صقر، والمنتج المنفذ أيمن نابليون.
نرشح لك:تامر عاشور يطرح أغنيته الجديدة “هي الناس”
وجاءت كلمات الأغنية كالتالي:
الحلوة دي تحلم وتقولي طلبها إيه
راضي بكل اللي تقول عليه
والدنيا تجيلها في ثانيتين
الحلوة دي أول ما تقرب من بعيد
بفرح وبتقلب يومي عيد
والفرحة معايا بفرحتين
الدلع بالشقاوة
الجمال بيزيد حلاوة
هي دي اللي بضحكة منها
قلبي تاه قدام عيونها
وفي ثواني راحلها
ناسي كل حاجة مرت بيا
حاسس إن روحي ردت فيا
لما تبقى جنب مني
كل يوم هفرح وأغني
دي السعادة كلها
عليها جمال ومكملاه
بأجمل روح جت في الحياة
واسمي تقوله مغنياه
لو يوم تناديني
معاها الوقت يفوت قوام
ولا بيشغلني الساعة كام
وبتعب لما تقول سلام
وتغيب عن عيني
دي هيّ الناس
ولا هرضى بغيرها يا ناس
وفي عمري وجودها أساس
وهكمل حياتي معاها لآخر يوم
وهيّ معايا حالف لأعيش أراضيها
بوعدها هتبقى في عيني
وأسعدها دي هي في كوم
والدنيا في كوم
الضحكة دي بتقرب مني المستحيل
وتفرح قلبي نهار وليل
والدنيا بجد معاها غير
والحالة دي أنا عايش فيها ومش هفوق
حاسس بالراحة وبالهدوء
والله قدومها عليا خير.
وكان الفنان تامر عاشور قد ذكر تفاصيل أغنية “عودتني الدنيا”، من ألحانه، وكلمات أحمد المالكي، وتوزيع النابلسي، وغناء شيرين عبد الوهاب.
أوضح “عاشور“ خلال لقائه مع برنامج “Arab Wood“: “إن شاء الله تبقى خطوة كويسة بالنسبة لنا وتكسر الدنيا كالعادة.. الأغنية دراما جدا وحزينة جدا وبصوت شيرين هتبقى أقوى“.