محمد هنيدي يعلن عن مشروعه الجديد "أبو كلسون"

أعلن الفنان محمد هنيدي مازحا، عن مشروع جديد له، وهو علامة تجارية خاصة بإنتاج “الكلسون”.

كتب “هنيدي”، عبر حسابه على “فيسبوك“: “لكل الرجالة والشباب اللي كانت بتتمنع أو بتتكسف تنزل الشواطئ بكلسوناتها، قدرت أحل المشكلة واحولكم الكلسون لبراند، هتقدر تنزل بيه 177 شاطئ في مصر من أفخم الشواطئ، محدش هيقدر يمنعك ولا يتريق عليك لأنك لابس براند بـ 6 آلاف جنيه، يشمل الدخول لكل الأماكن الغالية والشواطئ والفنادق اللي فوق 50 ألف جنيه في الليلة”.

نرشح لك: موعد عرض فيلم “تسليم أهالي” بالسينمات

 

أضاف: “وممكن تدخل بيه من بوابات مارينا بدون ما حد يكلمك، أول مايشوفوا الكلسون هيدخلوك على طول، متوفر بكل الألوان وألوان الطيف ناقصة لون”.

وعلق موضحا: “طبعا الكلام هزار.. إلبسوا اللي تحبوه في أي مكان عايزينه، مش لازم تلبس حاجة غالية عشان تعجب الناس ويقولوا ده ابن ناس، زي ما قال أبويا (ياما ناس لابسة بس قليلة الرباية) واللي يحكم عليك بلبسك بيبقى عقله أصغر من عقل بسيط في كارتون سبونج بوب
مع الاعتذار لبسيط”.

في سياق منفصل، يشارك الفنان محمد هنيدي، قريبا، في إحدى الحملات الإلكترونية لأحد أشهر الألعاب في العالم.

حيث سيقوم “هنيدي” بالمشاركة في أحد التحديات العالمية بين محبي الألعاب كضيف شرف برعاية منصة جيمز ميكس وفيديو وسيتحدى بعض من المشاهير في مباريات الفيفا وتحديات ألعاب ببجي وغيرها.