الرئيس ساخرا من كثرة برامج الطبخ: "مستنين حد يعلمنا ناكل؟!"

طالب الرئيس عبد الفتاح السيسي، القنوات والجهات المنتجة العمل على إنتاج برامج تعليمية وتثقيفية تُقدم إلى المواطنين.

قال الرئيس خلال افتتاح مشروع منصة مصر الرقمية: “اللي إحنا محتاجينه نبقى مقتنعين أن المستقبل وفرص العمل الحقيقية، وأسماء العلوم قد تكون غريبة عليكم.. الناس تقولك هعلم ابني إيه؟.. هو ده المستقبل الحقيقى والتعليم الحقيقي”.

نرشح لك: الحكم بالإعدام شنقا لقاتل نيرة أشرف

تابع: “بشوف مثلا بنبقى أحيانا مقصرين في الإعلان مش الدعاية.. ولكن إزاى أسوق الكلام المهم للدولة، شوفت مثلا برنامج اسمه (الدوم).. لما البرنامج اشتغل أدى فرصة كبيرة لمهارات شباب وشابات مصر في كل مناحي مصر.. أتاحنا لهم منصة.. والكلام ده أتاح شكل من أشكال التسويق للفكرة”.

أضاف: “مقدرش أعمل برنامج زي ده للموضوع ده، مجبش الولاد والشباب والبنات اللي تميزوا في هذا الأمر، وألقي الضوء عليهم علشان أخلي النشء اللي طالع يبقى عنده الحلم ده.. المقارنة دايما بتبين حالة المستوى”.

أردف: “الأسر اللي بتاخد ولادها في الدروس اللي بتديلهالها ده بيعكس وعي مصري مجتمعي بالتعليم.. عايزك تهتم بس في الاستهداف بدل ما فقط عاوز تركز مع الطلبة على أنه ياخد شهادة.. التليفزيون كوسيلة فيه برنامج اسمه العباقرة استطاع خلال سنوات قليلة يلقي الضوء على حاجة معينة”.

سخر الرئيس من كثرة تواجد برامج الطبخ في القنوات، قائلا: “أنا لقيت كل القنوات جايبة مطابخ، طب يا جماعة حد يعملي برامج زي دي، هو أنتوا بتتكلموا عن الأكل، أنتوا مستنين حد يعلمنا ناكل؟ مش ممكن كده.. أنا مش ضد بس خلوها كده وكده عشان نقدر نغير الثقافة بسرعة لمواطنينا”.