تامر حسني يناشد المسؤولين بتبني فكرة ”المليون أخ”

تامر حسني يناشد المسؤولين بتبني فكرة ”المليون أخ”
شدوى ممدوح

ناشد الفنان تامر حسني المسئولين في الدولة بتبني فكرته، فكرة ”المليون أخ”، والبدأ في تنفيذها والتي تدعوا الجميع إلى التبرع من أجل القضاء على الأمراض المكلفة في مصر في أسرع وقت.

كتب ”حسني” خلال خاصية القصص القصيرة عبر حسابه الشخصي على موقع تبادل الصور والفيديوهات ”إنستجرام”: ” أرجو من السادة المسؤولين احتواء فكرتي البسيطة فكرة المليون أخ، اللي هيتبرعوا للقضاء على كل الأمراض المكلفة في مصر والبدء في تنفيذها، هي فكرة فعلا بسيطه وهتساعد ناس كل المرضى من غير ما يحتاجوا لحد ولا يمدوا إيديهم، المليون أخ في دوسة واحده بتتبرع ب 20 جنيه أو 40 جنيه فقط المريض هيتعالج فورا في ثانية هتكون مصاريف علاجه معاه أرجوكم أرجوكم أرجوكم ورقم حساب آيسل موجود أمامكم أنقذوا آيسل يا أصحاب القلوب الرحيمه”

كان قد طرح الفنان تامر حسني البرومو الرسمي الثاني لفيلم ”بحبك”، والذي من المقرر عرضه في السينمات يوم الخميس الموافق 7/7/2022.

نشر ”حسني” البرومو عبر حسابه الشخصي على موقع تبادل الصور والفيديوهات ”إنستجرام”، معلقاً: ”الإعلان الرسمي الثاني لفيلم (بحبك)، والمحدد إصداره إن شاء الله في تاريخ 7/7””.

نرشح لك: البرومو الرسمي لفيلم “بحبك” لـ تامر حسني

فيلم “بحبك” من بطولة تامر حسني، وهنا الزاهد، وهدى المفتي، ويظهر بالبرومو وجود قصة حب تجمع بين تامر حسني وهنا الزاهد، ووجود هدى المفتي كطرف ثالث تحب تامر.

في سياق متصل، تامر حسني كان قد كتب عن الفيلم عبر “إنستجرام”: “فيلمنا الجديد (بحبك) طبعا في ناس هتقرأ اسم الفيلم بحبِك وناس هتقراه بحبَك دا طبعا مقصود عشان في دراما الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثى للرجل في أحداث فعلاً محيره جدا”.

تابع: “الفيلم أكيد فيه ضحك بس في إطار رومانسي بحت مش موجود بقاله كتير، اتشرفت بمشاركة نجمة اليوم والمستقبل الجميلة هنا الزاهد ومبسوط إني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم”.

أضاف: “ومبسوط جدا لمشاركة حبيب قلبي نجم الكوميديا الكبير حمدي المرغني اللي هيعمل إن شاء الله شغل رهيب في الفيلم كعادته الجميلة.. وللأسف لسه مصورش علشان أنزل صوره بس في أول يوم تصوير له ههريه صور.. وانتظروا بعد أيام انضمام نجمة جميلة مميزه من نجوم المستقبل اللي هيكون ليها مستقبل كبير إن شاء الله.. وفرحان جدا بانضمام الفنان الموهوب اوي مدحت إسماعيل اللي عامل دور زي العسل وربنا يكتبله فيه كل النجاح ويكرمه ويكرمنا معاه”.

اختتم: “الفيلم من إنتاج حبايب قلبي وأصدقاء العمر.. سينرچي أحمد بدوي / تي ايتش برودكشن حسام حسني / سكاي ليميت أحمد الدسوقي”.

أمير عيد يتحدث في حوار مع “إعلام دوت كوم” عن تجربته في مسلسل “ريفو”