عم طالبة المنصورة يطالب بعدم تقليد محمد رمضان
قال، محمد أحمد، عم نيرة أشرف، الطالبة بجامعة المنصورة التي توفيت صباح اليوم الاثنين، نتيجة عدة طعنات في الصدر والرقبة من قبل زميلها، أمام الجامعة، إن الدم المصري تم إلقائه على الأرض اليوم.
تابع “أحمد” خلال مداخلة هاتفية مع برنامج “حضرة المواطن” المذاع على شاشة الحدث اليوم ويقدمه الإعلامي سيد علي: “الدم المصري اترمى على الأرض النهاردة، النهاردة دم المصريين كلهم اترمى على الأرض مش دم بنتي بس”.
نرشح لك: شاهد.. سبب تواجد زوجة عم طالبة المنصورة في موقع الجريمة.. ولماذا لم تساعدها؟
واصل: “أنا بناشد المصريين كلهم أنهم يجيبوا حق دمهم اللي اترمى على الأرض، أنا عمها مش أبوها، هو أو كان اتقدملها أبوها مش هيعرف أخوه اتقدم ولا ماتقدمش، بس ده اللي سمعته إن هو اتقدم واترفض مرة واتنين وتلاتة، طيب أنت اتقدمت واترفضت، تدبحها؟ في شرع مين؟”.
أشار الإعلامي سيد علي إلى أن أعمال الفنان محمد رمضان لها تأثير فيما حدث، قائلا: “الناس دلوقتي بتقلد اللي عمله أستاذ محمد رمضان في عبده موتة.. طبعا مش في شرع حد، في شرع محمد رمضان”.
استكمل عم نيرة: “في ضمير مين؟ أنت مين ولا محمد رمضان ده مين؟ ده محمد رمضان ده حتة ممثل إن طلع ولا جه حتة ممثل، حط حاجات ولا عمل حاجات ليه الشعب يبص للكلام ده؟ أنت فيك ذرة إنسانية؟ هل أنت بتدبح فرخة؟ الفرخة علشان تندبح ليها مكان إنما دم المصرية لما يترمي على الأرض الشعب يتكلم ولا لا؟ الشعب يقول عاوزين حق البنت دي علني، زي ما اندبحت في نفس المكان يندبح الذئب البشري ده في نفس المكان، مش يتعدم في أوضة ضلمة محدش يشوفه”.