حسن يوسف ينفي صحة تصريحاته عن القبلات الخالية من الأحاسيس

شدوى ممدوح

نفى الفنان حسن يوسف ما انتشر له من تصريح على مواقع التواصل الاجتماعي حول أن القبلات في أيامه كانت خالية من الأحاسيس، وبالتالي لم تكن حراما.

قال ”يوسف” من خلال اتصال له مع ”بالعربي Et”: ”أنا مقولتش الكلام ده أنا مش شيخ ولا مفتي عشان أقول ده حلال ولا حرام، أنا بنكت معاه بقوله لا لون ولا طعم ولا رائحة زي المياه بالظبط حتى تدخل تتمضمض بعدها تلاقي نفس الطعم قالك تدخل تتمضمض بعدها علشان ده حلال ولا حرام وقال حاجة من عنده كده”.

نرشح لك: حسن يوسف يكشف اللحظات الأخيرة في حياة الشيخ الشعراوي

أضاف: ”كنت قاعد مع الشيخ الشعراوي وسألني الكوباية بنشرب فيها ايه؟ قولتله شاي، فقالي لو حطينا بدل الشاي ده خمرة قولتله يبقى حرام، قالي إيه ذنب الكوباية، فالفن زي الكوباية دي بيتقدم فيه حلال يبقى خلال بتقدم فيه حرام يبقى حرام”.

تابع: “أنا مش عاوز أتكلم في الموضوع، ده موضوع مالوش لازمة يعني يتسأل عنه أصحابه اللي بيأدوه، اللي بيأدوا نفس المشاهد يعني”.