شريف مدكور: أنا ممكن اسجن أي حد

07 سبتمبر 2015 | 07:56 مساءً

رد الإعلامي شريف مدكور، على الانتقادات الكثيرة التي وجهت له عقب حلقة “الصنفرة” في برنامجه “ساعة مع شريف”، قائلاً: “كان معايا صنفرة، واللي متابع يعرف إن دي التطور الطبيعي لليفة والحجرة، ده كريم بنصنفر بيه القدم، وأنا ركبتي فيها مشكلة بسبب الصلاة، وبحب أصنفر الحتة دي دائما”.

وقال “مدكور” في مداخلة هاتفية لبرنامج “كلام جرايد” على قناة “العاصمة”، مساء الاثنين: “أخدت الصنفرة دي وجربتها على ركبتي، ولو كنت جبت واحدة ست أجرب عليها المنتج على الهواء كانوا هيقولوا دي شلحت رجلها وهيعملولي قصة”.

وتابع: “اللي هيشتمني هشتمه مش هسكت وأزغرطله، واللي هيقول عليا كلمة مش لطيفة هعمل محضر، وأنا ممكن اسجن أي حد”، مُضيفاُ: “من 6 سنوات، فيه عيل صغير عنده 18 سنة وكتب كلام زي الزفت، رفعت عليه قضية والشرطة جابته من قفا أمه، وأهله قعدوا يجروا ورايا عشان أتحكم عليه بالسجن سنة”.