هل دخلت نجوى فؤاد في غيبوبة؟ فنانة شابة توضح
نفت الفنانة منة جلال، دخول الفنانة نجوى فؤاد في غيبوبة، بعد تداول أخبار غير صحيحة عن ذلك.
كتبت “جلال” عبر حسابها على موقع التواصل الاجتماعي “فيس بوك“: “إشاعة سخيفة جدا أن أستاذة نجوى فؤاد في غيبوبة، الكلام ده غلط والأخبار اللي نازلة مش مظبوطة، كل اللي حصل أن أستاذة نجوى اكتشفت أن عندها عرق النساء وأثر على ظهرها فالدكتور أداها جرعة زيادة عشان يخفف الألم، والمقصود من كلمة غيبوبة هى النوم عشان التعب رهيب”.
نرشح لك: ناصر دويدار يعتذر عن تصريحاته بشأن أم كلثوم
تابعت: “ارجو من سيادتكم بلاش أذى نفسي للناس الكبار في السن، أنتوا مش عارفين بتعملوا فيهم إيه بسبب الأخبار دي بجد أذى نفسي، كفاية اللي الست فيه محدش بيكلمها ولا حد بيشغلها ارجوكم (جبر الخواطر)”.
في سياق آخر، كانت الفنانة نجوى فؤاد قالت خلال برنامج “ضرب نار” إنها نادمة على عدم تكوينها لأسرة، لافتة إلى أن الوحدة جعلتها تشعر أن الأولاد مهمين، موضحة أن السبب في غيابها الفترة الأخيرة هو تعرضها لانزلاق غضروفي.
تابعت أن طريقة معاملة الأولاد لآبائهم غير جيدة ولا تعجبها، لافتة: “عندي بنت أنا متبنياها هي بنت ناس قرايبنا ووالديها توفوا في حادثة واتجوزت وخلفت”. مضيفة: “كان نفسي أعمل أسرة وندمانة دلوقتي الوحدة بتقتلني، وبتتعبني أوي أوي، يعني في رمضان ده صحابي والناس اللي قريبين مني بييجوا يفطروا معايا”.
أما عن سبب اختفائها في الفترة الأخيرة قالت “فؤاد”: “أنا كنت مريضة سنتين جالي انزلاق خضروفي، وعملت عملية في رجلي وبعدين جت الكورونا، وبتعلاج علاج طبيعي عشان مفيش عمليات، العصب ضارب في فقرات الضهر الرابعة والخامسة”.